Nashik Crime News : महाराष्ट्र -गुजरात सीमेवरील कारवाईत दीड कोटींचा मद्यसाठा जप्त

राज्य उत्पादन शुल्क विभागाच्या पुणे भरारी पथकाची कारवाई

एमपीसीन्यूज : राज्य उत्पादन शुल्क विभागाच्या पुणे भरारी पथकाने (Pune flyingSquad of State Excise Department) कारवाई करीत दीड कोटी रुपयांचा मद्यसाठा जप्त (liquor seized) केला. तसेच तिघांना अटक करण्यात आली.

महाराष्ट्र- गुजरात बॉर्डरजवळील ( Maharashtra-Gujrat Border) सुरगाणा तालुक्यातील बर्डीपाडा -परगाणा रस्त्यावर ही कारवाई करण्यात आली.

दरम्यान, राज्य उत्पादन शुल्क विभागाच्या पुणे येथील पथकाने नाशिक जिल्ह्यात येऊन कारवाई केल्याने हा चर्चेचा विषय ठरत आहे.

_MPC_DIR_MPU_II

पुणे भरारी पथकास मिळालेल्या माहितीच्या आधारे त्यांनी बर्डीपाडा परगाणा रोडजवळील परिसरात छापा टाकला. या कारवाईत दादरा नगर हवेली येथे तयार केलेली व तेथेच विक्रीस परवानगी असलेला मद्यसाठा जप्त केला. त्यात विदेशी मद्याचा साठा मोठ्या प्रमाणात होता.

त्यानुसार पथकाने मद्यसाठा व दोन आयशर टेम्पो, दोन चारचाकी अशा चार वाहनांसह एकूण 1 कोटी 58 लाख 22 हजार 504  रुपयांचा अवैध मद्यसाठा जप्त केला आहे.

या कारवाईत गिरीष भिका पवार (वय -23), हेमंत झांबरु मोरे (वय- 22, दोघे रा. ता. सुरगाणा), शैलेश महादू गावित (वय- 30, रा. वलसाड, रा. गुजरात) यांना अटक करण्यात आली आहे. अधिक तपास सुरू करण्यात आला आहे.

MPCNEWS आता टेलीग्रामवर आहे. आमचं चॅनेल (@mpcnews1) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.