Nigdi News: अनधिकृत 12 नळजोडवर कारवाई, 8 विद्युत मोटर्स जप्त

एमपीसी न्यूज – पिंपरी – चिंचवड महापालिकेच्या प्रभाग क्रमांक 12 मधील रुपीनगर, अजिंक्यतारा सोसायटी या भागामध्ये

‘फ ‘क्षेत्रीय कार्यालय पाणी पुरवठा विभाग यांच्या पथकाने एकूण 12 अनधिकृत नळजोड बंद केले. थेट नळाला लावलेल्या एकूण 8 विद्युत मोटर्स जप्त केल्या.

कार्यकारी अभियंता रामनाथ टकले यांच्या मार्गदर्शनाखाली उप अभियंता शहाजी गायकवाड, कनिष्ठ अभियंता अभय कुलकर्णी, मीनल दोडल फ क्षेत्रीय कार्यालय पाणी पुरवठा विभाग यांच्या पथकाने केली. मीटर निरिक्षक, महाराष्ट्र सुरक्षा बल यांचे कर्मचारी, मनपाचे प्लंबर, फिटर, मजूर, वायरमन,अतिक्रमण गाडी चालकासह  एकूण 21 जणांच्या पथकात समावेश होता.