Dehuroad Corona Update : कॅन्टोन्मेंट हद्दीत आज फक्त दोन पॉझिटिव्ह रुग्ण; दोघा जणांना डिस्चार्ज, एक मृत्यू
आज नायडू नगर, झेंडेमळा येथील 55 वर्षीय पुरुषाचा कोरोनामुळे मृत्यू झाला आहे.
एमपीसीन्यूज : गेल्या काही दिवसांपासून देहूरोड कॅन्टोन्मेंट बोर्ड हद्दीत कोरोना पॉझिटिव्ह रुग्णांच्या तुलनेत कोरोनावर मात करणाऱ्या रुग्णांची संख्या वाढत असल्याचे दिसून येत आहे. आज, शुक्रवारी शितलानगर नं. 2 आणि थॉमस कॉलनी येथे प्रत्येकी एक अशा फक्त दोन कोरोनाबाधित रुग्णांची नोंद झाली. दरम्यान, आज नायडू नगर, झेंडेमळा येथील 55 वर्षीय पुरुषाचा कोरोनामुळे मृत्यू झाला आहे.
आजपर्यंत हद्दीत एकूण 862 कोरोना पॉझिटिव्ह रुग्ण आढळून आल्याचे कॅन्टोन्मेंट प्रशासनाकडून सांगण्यात आले.
देहूरोड कॅन्टोन्मेंट बोर्ड प्रशासनाच्या वतीने आज, शुक्रवारी सायंकाळी सहा वाजेपर्यंतचा कोरोना अहवाल प्रसिद्धीस दिला आहे.
त्यामध्ये कॅन्टोन्मेंट बोर्ड हद्दीत फक्त 2 नवीन रुग्णांची नोंद झाल्याचे म्हटले आहे. आजपर्यंत कॅन्टोन्मेंट हद्दीत एकूण 862 पॉझिटिव्ह रुग्ण आढळून आले.
आज, 21 रुग्ण कोरोनातून बरे झाल्याने त्यांना डिस्चार्ज देण्यात आला. आजपर्यंत एकूण 707 रुग्ण उपचारातून बरे झाल्याने त्यांना घरी सोडण्यात आले.
यापैकी सध्या 21 रुग्ण रुग्णालयात दाखल आहेत. आयसोलेशनमध्ये 98 रुग्ण आहेत.
महात्मा गांधी कोविड केअर सेंटरमध्ये 24 रुग्णांवर उपचार सुरु आहेत. यामध्ये कॅन्टोन्मेंट हद्दीतील 20 आणि हद्दीबाहेरील 10 रुग्णांचा समावेश आहे.
90 रुग्ण होम आयसोलेशनमध्ये आहेत. रुग्णालयात दाखल रुग्णांची आरोग्य स्थिती चांगली असल्याचे या अहवालात नमूद करण्यात आले आहे.
दरम्यान, आज नायडू नगर, झेंडेमळा येथील 55 वर्षीय पुरुषाचा कोरोनामुळे मृत्यू झाला आहे. त्यामुळे हद्दीतील कोरोना मृतांची संख्या 24 इतकी आहे.