Pimpri: मराठवाड्यातील कष्टकरी कामगारांच्या हक्कासाठी एकत्र लढू – काशिनाथ नखाते
नांदेड आणि लातूर जिल्हा येथे विविध ठिकाणी कष्टकरी संघर्ष महासंघातर्फे (Pimpri)कामगार संपर्क अभियानात बैठकांचे आयोजन करण्यात आले. यावेळी नांदेड जिल्हा अध्यक्ष परमेश्वर मठपती, लातूर जिल्हा अध्यक्ष गोपाळ वाडीकर, प्रदेश संघटक विनोद गवई, प्रदेश उपाध्यक्ष राजेश माने,नायगाव तालुका अध्यक्ष अशोक टोकलवाड, देगलूर तालुका अध्यक्ष पंढरी भोईवाड, यादवराव चोपडे,निमंत्रक लक्ष्मण टोकलवाड,मेरसाब शेख,संतोष कुडके,वजीर शेख,संजय तळणे नागोराव टोकलवाड यांचे सह विविध तालुका प्रतिनिधी उपस्थित राहिले.
यावेळी कामगार नेते काशिनाथ नखाते म्हणाले की मराठवाड्यामध्ये विविध कुशल कामगार आहेत त्यांच्या कामाचा एक वेगळा दर्जा आहे मात्र मराठवाड्यात त्यांना कामाची उपलब्ध होत नसल्यामुळे त्यांना स्थलांतर करावे लागते हे स्थलांतर रोखण्यासाठी व विभाग वार कामाची उपलब्धता करून देणे सरकारचे काम आहे.
नांदेड जिल्हा अध्यक्ष मठपती म्हणाले की आज कामगारांना संरक्षणाची गरज आहे विविध ठिकाणी काम केल्यानंतर हे त्याच्या पगारासाठी वेतनासाठी अनेक वेळा चकरा मारावे लागतात तर अनेक ठिकाणी पैसे बुडवले जातात किमान वेतन मिळणे गरजेचे आहे. प्रस्तावना उपाध्यक्ष राजेश माने, यांनी केले तर आभार मिरसाब शेख यांनी मानले.
