pimpri news: भूषण जगताप यांची नियुक्ती
एमपीसी न्यूज : शिवसेना (उद्धव बाळासाहेब ठाकरे) पक्षप्रमुख, माजी मुख्यमंत्री उद्धवजी ठाकरे यांच्या आदेशाने, पक्षाच्या मध्यवर्ती कार्यालयातून प्रसिद्धीस देण्यात आलेल्या पत्रकाद्वारे पुणे, नांदेड, बुलढाणा जिल्ह्यातील नियुक्त्या जाहीर करण्यात आल्या, त्यात मावळचे सुपुत्र भूषण जगताप यांची जिल्हा निवडणूक समन्वयकपदी (कार्यक्षेत्र; सासवड, जेजुरी नगरपरिषद) वर्णी लागली.
भूषण हे सासवडच्या जगताप घराण्याचे थेट वंशज आहेत, ठाकरे सरकारच्या काळात त्यांची महाराष्ट्र शासन मराठी चित्रपट अनुदान समितीच्या सदस्यपदी निवड झाली होती, तसेच शिवसेना वैद्यकीय मदत कक्ष पुणे जिल्हाध्यक्ष व शिवसेना मावळ तालुका संघटक पदाचा त्यांना अनुभव आहे. भारत इतिहास संशोधक मंडळाचे ते आजीव सदस्यही आहेत.