Pimpri : लॉकडाऊन ऐवजी मास्कचा वापर व सॅनिटायझर फवारणी वाढवा – प्रदीप नाईक
Use masks instead of lockdown and increase sanitizer spray - Pradip Naik
एमपीसी न्यूज – कोरोनाबाधित रुग्ण आढळल्यानंतर ती संपूर्ण इमारत किंवा तो परिसर सीलबंद करून इतर लोकांच्या स्वातंत्र्यावर गदा आणण्याऐवजी सर्व नागरिकांना मोफत मास्क वाटप करून मास्कचा वापर करण्याबाबत जनजागृती करावी तसेच संबंधित परिसरात दररोज दोनवेळा सॅनिटायझरची फवारणी करावी, अशी मागणी माहिती अधिकार कार्यकर्ते व महाराष्ट्र भ्रष्टाचार निर्मूलन समितीचे पुणे जिल्हा अध्यक्ष प्रदीप नाईक यांनी केली आहे.
प्रदीप नाईक यांनी यासंदर्भात महापालिका आयुक्त श्रावण हर्डीकर यांना लेखी निवेदन पाठविले आहे. या निवेदनात म्हटले आहे की, मार्च 2020 पासून 10 जून 2020 पर्यंत केंद्र शासन व राज्य शासनाने कोविड 19 चा प्रादुर्भाव रोखण्यासाठी लॉकडाऊन केले होते. केंद्र व राज्य सरकारने लॉकडाऊन शिथिल करणे चालू केले आहे.
लॉकडाऊनमुळे गरीब-श्रीमंत, मध्यमवर्गीय लोक आर्थिक अडचणीत आले आहेत. या अडचणीतून बाहेर पडत असताना सर्वसामान्यांचे आर्थिक दृष्टीकोनातून आतोनात हाल होत आहेत. भारतात 70 ते 80 टक्के मध्यमवर्गीय लोक राहात आहेत. तसेच 10 ते 15 टक्के हातावर पोट असणारे लोक राहतात. या सगळ्यांचे लॉकडाऊनने भरपूर नुकसान झाले आहे, याकडे नाईक यांनी आयुक्तांचे लक्ष वेधले आहे.
