Talegaon Dabhad : हरण्येश्वर मित्र मंडळ यांच्या वतीने हरण्येश्वर टेकडीवर वृक्षारोपण
एमपीसी न्यूज : पर्यावरण सप्ताह निमित्ताने गुरूवार (दि 10) तळेगाव शहर शिवसेनेचे माजी अध्यक्ष राजेंद्र नवले व हरण्येश्वर मित्र मंडळ यांच्या वतीने हरण्येश्वर टेकडी परिसरात वड, पिंपळ व आंबा या देशी वृक्ष रोपांची लागवड करण्यात आली. तळेगाव दाभाडे पोलीस ठाण्याचे वरिष्ठ पोलीस निरिक्षक भास्कर जाधव व पोलीस निरिक्षक शहाजी पवार यांचे हस्ते वृक्षलागवड शुभारंभ करण्यात आला.
यावेळी कोरोना कालावधीतील उत्कृष्ट कामगिरी बद्दल संयोजकांचे वतीने भास्कर जाधव व शहाजी पवार यांचा सत्कार राजेंद्र नवले व भाऊसाहेब गायकवाड यांचे हस्ते करण्यात आला.
कार्यक्रमास संभाजी भालेकर,रोहन काटे,विलास पाटील,नारायण आसवले, स्वप्नील खाकाळ,रामप्रवेश यादव, रुपेश बालघरे,संतोष तळेकर,राहुल टिळेकर,हर्षवर्धन पवार, आतिष कडलक,मयूर वानखेडे,किशोर निघोजकर, प्रथमेश शिंदे उपस्थित होते.
