Pune : पुणे लोकसभा मतदारसंघात उमेदवार देण्यासंदर्भात उद्या होणार बैठक

एमपीसी न्यूज – आगामी पुणे लोकसभा मतदारसंघात (Pune)उमेदवार देण्यासंदर्भात उद्या बैठक होणार आहे. या निवडणुकीसाठी आमदार रवींद्र धंगेकर, माजी आमदार मोहन जोशी, काँग्रेसचे शहराध्यक्ष अरविंद शिंदे, प्रदेश सरचिटणीस ऍड. अभय छाजेड, प्रवक्ते गोपाळ तिवारी यांच्या नावाची चर्चा आहे. त्यावर बैठकीत मंथन होणार असल्याची माहिती आहे.

लोकसभा निवडणुकीच्या पार्श्वभूमीवर (Pune)उद्या प्रदेशाध्यक्ष नाना पटोले यांच्या अध्यक्षतेखाली महत्वाची बैठक पुण्यात पार पडणार आहे. भारतीय जनता पार्टीचे खासदार गिरीश बापट यांच्या निधनानंतर रिक्त झालेली पुणे लोकसभेच्या जागेवर काँग्रेस पक्षातून तीन मुख्य तीन नेत्यांची निवडणूक लढवण्याची इच्छा आहे. त्यामुळे काँग्रेस पक्षात उमेदवारीवरून मोठी चुरस निर्माण झाली आहे.

Pune : पुणे आंतरराष्ट्रीय चित्रपट महोत्सवाच्या स्पर्धेतील 7 मराठी चित्रपटांची घोषणा

यावर आता पक्षश्रेष्ठी कसा तोडगा काढणार, हे पाहावे लागेल.आमदार मुक्ता टिळक यांच्या निधनानंतर झालेल्या पोटनिवडणुकीत रविंद्र धंगेकर विजयी झाले. त्यामुळे ते आता पुणे लोकसभा मतदारसंघात काँग्रेसतर्फे इच्छुक आहेत.

पक्षाने आपल्याला आदेश दिल्यावर आपण निवडणूक लढविणार असल्याचे धंगेकर यांनी निक्षून सांगितले. माजी आमदार मोहन जोशी यांनीही निवडणुकीची जोरदार तयारी सुरू केली आहे. त्यांचे दिल्ली दरबारी चांगले वजन आहे.

अरविंद शिंदे यांनीही शहराध्यक्ष झाल्यापासून विविध कार्यक्रम आयोजित केले आहे. गोपाळ तिवारी यांनीही आपण पुणे लोकसभा निवडणूक लढविणार असल्याचे सांगितले. तर, दुसरीकडे ऍड. अभय छाजेड यांनीही निवडणुकीची तयारी सुरू केली आहे.

 

 

 

https://www.youtube.com/watch?v=9qHaE71Wgmc&ab_channel=MPCNews