Pune Corona Update: 1209 रुग्ण कोरोनामुक्त, 43 जणांचा मृत्यू तर 1024 नवे रुग्ण

एमपीसी न्यूज – पुणे शहरात मागील काही दिवसांपासून कोरोना रुग्णांपेक्षा या आजारातून बरे होण्याचे प्रमाण वाढते आहे. शुक्रवारी (दि. 2 ऑक्टोबर) तब्बल 1209 रुग्ण कोरोनामुक्त झाले. आतापर्यंत 1 लाख 27 हजार 639 नागरिकांनी वेळीच उपचार घेऊन कोरोनावर यशस्वीरीत्या मात केली आहे.

आज 5 हजार 724 कोरोनाच्या चाचण्या करण्यात आल्या. त्यामध्ये 1024 नवे रुग्ण आढळले. 43 जणांचा मृत्यू झाला. 910 क्रिटिकल रुग्ण असून, त्यात 508 जण व्हेंटिलेटरवर आहेत. कोरोनाचे पुणे शहरात 1 लाख 47 हजार 351 रुग्ण झाले आहेत.  आतापर्यंत या रोगामुळे 3 हजार 571 नागरिकांचा मृत्यू झाला आहे. 16 हजार 141 ऍक्टिव्ह रुग्ण आहेत, अशी माहिती पुणे महापालिकेच्या आरोग्य विभागातर्फे देण्यात आली आहे.

पुणे शहरात वाढत्या कोरोनाच्या पार्श्वभूमीवर दुकाने आणि मार्केटमध्ये येत असलेले नागरिकांनी मास्क वापरणे, सामाजिक अंतर ठेवणे, वेळोवेळी परिसर सॅनिटाईज करणे बंधनकारक करण्यात आले आहे.  पुणे शहरात वाढत्या वाढत्या कोरोना रुग्णांच्या पार्श्वभूमीवर महापालिका आयुक्त विक्रम कुमार यांनी राज्य शासनाकडे 250 व्हेंटिलेटरची मागणी केली आहे. तर, कोरोना रुग्णांवर उपचारासाठी रेमडेसिव्हिर हे इंजेक्शन अतिशय महत्वपूर्ण आहे. त्याचा काळाबाजार करणाऱ्या विरोधात कडक कारवाई करण्याची मागणी भाजपचे प्रदेशाध्यक्ष चंद्रकांत पाटील यांनी केली आहे.