Pune Crime News : पुणे शहर पोलीस दलातील पोलीस कर्मचाऱ्याची गळफास घेऊन आत्महत्या

एमपीसी न्यूज – शहर पोलीस दलात कार्यरत असणाऱ्या एका पोलीस कर्मचाऱ्याने आज सायंकाळच्या सुमारास राहत्या घरात गळफास घेऊन आत्महत्या केली. नाना हंडाळ (वय 40) असे या पोलीस कर्मचाऱ्यांचे नाव आहे. बंडगार्डन पोलीस ठाण्यात ते पोलीस नाईक पदावर कार्यरत होते.

_MPC_DIR_MPU_II

या प्रकरणी प्राथमिक माहिती अशी की, नाना हंडाळे शिवाजीनगर येथील पोलीस वसाहतीतील डी इमारतीत रहात होते. त्यांना एक मुलगी आहे. आज सायंकाळी साडेपाच वाजण्याच्या सुमारास त्यांनी राहत्या घरात गळफास घेतल्याचे उघडकीस आले.

पोलिसांना याची माहिती मिळाल्यानंतर त्यांनी तातडीने घटनास्थळी धाव घेतली असता गळफास घेतलेल्या अवस्थेत ते दिसून आले. नाना हंडाळे यांच्या आत्महत्येने पोलीस दलात शोककळा पसरली आहे.

MPCNEWS आता टेलीग्रामवर आहे. आमचं चॅनेल (@mpcnews1) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.