Pune News : कोरोना लढाईत खेळ हे प्रभावी साधन : राज चौधरी

0

एमपीसीन्यूज : क्रीडांगणे, मैदाने, जॉगिंग ट्रक, सायकलिंग व अन्य विविध खेळ हे सर्व नागरिकांसाठी खुले केल्याबद्दल क्रीडा भारतीच्या वतीने सरकारचे अभिनंदन करण्यात आले. तसेच कोरोना लढाईत खेळ हे प्रभावी साधन असल्याचे क्रीडा भारतीचे अखिल भारतीय महामंत्री राज चौधरी आणि पश्चिम महाराष्ट्र अध्यक्ष विजय पुरंदरे यांनी सांगितले.

मैदाने, क्रीडांगणे व जॉगिंग ट्रॅक यांना नागरिकांसाठी मुक्त करावे या साठी क्रीडाभारतीने मुख्यमंत्र्यांना निवेदन दिले होते. त्याचबरोबर जनमानसात जागृतीसाठी क्रीडाभारतीने ऑनलाईन सेमिनार घेतला. अनेक मान्यवर खेळाडू, क्रीडा संघटक आणि नागरिक याचा उत्तम प्रतिसाद लाभला. मीडियाने सुद्धा याची दखल घेतली.

या सर्वाचा सकारात्मक परिणाम म्हणून राज्य सरकारनेही योग्य दिशेने पाऊल उचलत क्रीडांगणे, मैदाने, जॉगिंग ट्रक, सायकलिंग व अन्य विविध खेळ हे सर्व नागरिकांसाठी खुले केले आहे.

_MPC_DIR_MPU_II

जागतिक योगदिवसाचे निमित्त साधून कोरोना नियमांचे पालन करत अधिकाधिक नागरिकांनी आंनदासाठी खेळ या संकल्पनेचा स्वीकार करावा. रोज मोकळ्या मैदानावर यावे आणि या द्वारे संपूर्ण समाजाचे मानसिक व शारीरिक स्वास्थ्य उत्तम करण्याचे एक प्रभावी आंदोलन उभे करावे, असे आवाहनही त्यांनी केले आहे.

कोरोना संक्रमणाच्या या अवघड काळात सर्वात महत्वाची गोष्ट म्हणजे आपली प्रतिकारशक्ती (इम्युनिटी पॉवर). ही प्रतिकारशक्ती मिळवण्याचा सर्वात सोपा पण अतिशय प्रभावी मार्ग म्हणजे मैदानी खेळ, योगासन, प्राणायाम, सूर्यनमस्कार, जॉगिंग आणि मॉर्निंग वॉक.

सध्याच्या परिस्थितीत शरीर आणि मन या दोन्हींना इम्युनिटी बूस्टरची फार मोठी आवश्यकता आहे. आणि तंदुरुस्त शरीर, तल्लख बुद्धि आणि मनावर संस्कार यासाठी खेळ हे अतिशय प्रभावी माध्यम आहे. आनंद मिळवण्यासाठी खेळ या संकल्पनेत सक्षम शरीर आणि तंदुरुस्त मन हे दोन्हीही प्राप्त करण्याची प्रचंड क्षमता असल्याचे चौधरी आणि पुरंदरे यांनी सांगितले.

 

MPCNEWS आता टेलीग्रामवर आहे. आमचं चॅनेल (@mpcnews1) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.

Leave a comment