Sangavi : महिलेचा न्यूड व्हिडिओ व्हायरल करण्याची धमकी देत तीस हजारांना गंडा
एमपीसी न्यूज : सोशल मीडियावरून झालेल्या (Sangavi) ओळखीतून आरोपीने महिलेचा न्यूड व्हिडिओ काढला होता. तो व्हिडिओ व्हायरल करण्याची धमकी देत वेळोवेळी पैशांची मागणी करत महिलेची 30,000 रुपयांची फसवणूक केली आहे.
हा प्रकार 6 जुलै रोजी ऑनलाईन पद्धतीने झाला. या प्रकरणी पीडित महिलेने गुरुवारी (दि. 10) सांगवी पोलीस ठाण्यात फिर्याद दिली आहे. फिर्यादीनुसार सांगवी पोलिसांनी या इंस्टाग्राम अकाउंट धारक व मोबाईल धारकावर गुन्हा दाखल केला आहे.
पोलिसांनी दिलेल्या माहितीनुसार, आरोपी व पीडित महिला यांच्यातील इंस्टाग्राम वरून ओळख झाली. त्यांनी स्वतःचे मोबाईल नंबर शेअर करत ओळख वाढवली. पिडीतेचा विश्वास संपादन (Sangavi) करून फिर्यादीला व्हिडिओ कॉल करत त्यांचा न्यूड व्हिडिओ काढला.
पुढे हा व्हिडिओ व्हायरल करण्याची धमकी देत महिलेकडून 29 जुलै ते 6 ऑगस्ट या कालावधीत वेळोवेळी असे ऑनलाईन पद्धतीने तीस हजार रुपये घेतले. त्रास सहन न झाल्याने महिलेने पोलिसांकडे धाव घेतली. सांगवी पोलिसांनी या प्रकरणी गुन्हा दाखल केला असून पोलीस आरोपीचा शोध घेत आहेत.