Talegaon Dabhade : मावळ नागरी सहकारी पतसंस्थेची निवडणूक बिनविरोध; अध्यक्षपदी रजनीगंधा खांडगे

मावळ नागरी सहकारी पतसंस्थेच्या अध्यक्षपदी रजनीगंधा संतोष खांडगे (Talegaon Dabhade) यांची तर उपाध्यक्षपदी पांडुरंग रामभाऊ पोटे यांचा एकमेव अर्ज आल्याने त्यांची बिनविरोध निवड करण्यात आली. वडगाव येथील सहकार निबंधक कार्यालयामध्ये झालेल्या या निवडणुकीत मावळ सहकार पॅनलचे सर्व तेरा उमेदवार बिनविरोध निवडून आले. यावेळी राकेश निखारे यांनी निवडणूक निर्णय अधिकारी म्हणून काम पाहिले. संचालक मंडळाचा कार्यकाळ पाच वर्षाचा असणार आहे.

संचालक मंडळ पुढील प्रमाणे

मावळ नागरी सहकारी पतसंस्थेचे मुख्य प्रवर्तक संतोष खांडगे,सल्लागार गणेश काकडे, ॲड.मच्छिंद्र घोजगे, सुदाम दाभाडे,सुनील भोंगाडे, केतन भालेराव, विलास टकले, मिलिंद शेलार सर आदींनी पतसंस्थेच्या नवीन कार्यकारणीचे अभिनंदन केले.

आगामी काळात पतसंस्थेच्या माध्यमातून सर्व सभासदांचे आर्थिक उन्नतीसाठी प्रयत्न करणार असल्याचे यावेळी नवनिर्वाचित अध्यक्ष रजनीगंधा खांडगे यांनी सांगितले.