Today’s Horoscope 01 January 2024 – जाणून घ्या आजचे राशिभविष्य
एमपीसी न्यूज : आजचे पंचांग – Today’s Horoscope 01 January 2024- जाणून घ्या आजचे राशिभविष्य
आजचे पंचांग
आजचा दिवस – सोमवार.
तारीख -01.01.2024.
शुभाशुभ विचार- चांगला दिवस.
आज विशेष – साधारण दिवस.
राहू काळ – सकाळी 7.30 ते 9.00.
दिशा शूल – पूर्वेस असेल.
आज नक्षत्र – मघा 8.36 पर्यंत नंतर पूर्वा फाल्गुनी.
चंद्र राशी – सिंह.
मेष – ( शुभ रंग – केशरी)
नोकरदारांना नोकरीत बदल करण्यासाठी योग्य संधी चालून येतील. नवोदित कलाकारांच्या अथक प्रयत्नांना यश येईल. रुग्णांना हॉस्पिटलमधून डिस्चार्ज मिळेल.
वृषभ – ( शुभ रंग- स्ट्रॉबेरी)
जमीन खरेदी विक्रीचे काही व्यवहार मार्गी लागतील. विद्यार्थ्यांना किचकट विषयातही गोड निर्माण होईल. गृहिणींना आज अजिबात उसंत मिळणार नाही.
मिथुन – ( शुभ रंग- राखाडी)
आजचा दिवस धावपळीचा आहे. तुमचा आत्मविश्वास वृद्धिंगत करणारी एखादी घटना घडेल. उच्च अधिकारी असेल तर सह्या करण्यापूर्वी मजकूर नीट वाचून घ्या.
कर्क – ( शुभ रंग – मोतिया)
आज तुमची मिळकत उत्तम असेल गृहिणींना अचानक येणाऱ्या पाहुण्यांची उठबस करावी लागेल. आज प्रवास त्रासदायक होऊ शकतात. फार अर्जंट नसतील तर टाळा.
सिंह – ( शुभ रंग – सोनेरी)
महत्त्वाचे निर्णय पूर्ण विचार करूनच घ्या. अडचणीच्या प्रसंगी आज जोडीदाराने दिलेलेच सल्ले महत्त्वाचे असतील. कमी श्रमात जास्त लाभाच्या अपेक्षेने निराशा पदरात पडू शकेल.
कन्या – ( शुभ रंग- चंदेरी)
आज मी पण प्रगतीच्या आड येऊ शकतो. मृदू वणीने बरीच अवघड कामे सोपी होतील. एखाद्या महत्त्वाच्या कामासाठी तातडीचा प्रवास घडण्याची शक्यता आहे.
तूळ- ( शुभ रंग- स्ट्रॉबेरी)
आज केलेल्या कोणत्याही वाटाघाटी सकारात्मकतेने पार पडतील. जिवलग मित्राकडून अपेक्षित सहकार्य मिळेल. शेअर्सच्या व्यवहारातील तुमचे अंदाज खरे ठरतील.
वृश्चिक- ( शुभ रंग – पांढरा)
नोकरीच्या ठिकाणी उच्च अधिकारी वर्गाशी सलोखा वाढेल. कामाच्या व्यापात आज कुटुंबीयांना वेळ देणे अवघड होईल. संध्याकाळी प्रिय मित्रांचा सहवास लाभेल.
धनु -(शुभ रंग- आकाशी)
आज वडीलधाऱ्या मंडळींशी काही वैचारिक मतभेद संभवतात. परंतु त्यांच्या शब्दाचा तुम्ही मान राखाल. आज काही खोटी आश्वासने देणारे मित्र भेटतील. त्यांना दुरूनच राम राम करा.
मकर- ( शुभ रंग – जांभळा)
नवीन व्यावसायिकांनी स्पर्धकांना कमजोर समजू नये. नोकरदारांनी नोकरीच्या ठिकाणी आज नियमांचे पालन काटेकोरपणे करावे. हीतशत्रू टपूनच बसलेत सतर्क रहा.
कुंभ – (शुभ रंग- मोरपंखी)
व्यवसायात भागीदारांशी सलोख्याचे संबंध असतील. वैवाहिक जीवनातही आज गोडी गुलाबी असून काही जुन्या स्मृती मनाला आनंद देतील. आशादायी दिवस.
मीन – ( शुभ रंग- आकाशी)
नोकरीच्या ठिकाणी विरोधकांच्या काही उचापती चालूच असतील. दुकानदारांची थकलेली येणी वसूल होतील. आरोग्यविषयक तक्रारींची वेळीच दखल घेणे गरजेचे आहे.
श्री जयंत कुळकर्णी.
ज्योतिष व वास्तु शास्त्र सल्लागार.
फोन- 9689165424.