Today’s Horoscope 06 September 2021 : जाणून घ्या आजचे राशीफळ
एमपीसी न्यूज - आजचे पंचांग वार – सोमवार, दि. 06 सप्टेंबर 2021
- शुभाशुभ विचार – क्षयदिन.
- आज विशेष-पिठोरी अमावास्या.
- राहू काळ – सकाळी 7.30 ते 9.00.
- दिशा शूल – पूर्वेस असेल.
- आजचे नक्षत्र – मघा 17.51 पर्यंत नंतर पूर्वा.
- चंद्र राशी – सिंह.
आजचे राशीभविष्य –
मेष – (शुभ रंग – मोतिया)
तब्येतीच्या किरकोळ असलेल्या तक्रारीही दुर्लक्षित करू नका. उतावीळपणे कोणतेही निर्णय घेऊ नका. बेरोजगारांची भ्रमंती चालूच राहील. गृहिणी आज आपल्या आवडत्या छंदास वेळ देतील.
वृषभ – ( शुभ रंग- सोनेरी )
बरेच दिवसापासून तुम्हाला अपेक्षित असलेल्या प्रिय व्यक्तीचा आज फोन येईल. विद्यार्थ्यांची प्रगती कौतुकास्पद राहील. कलाकारांना मात्र निर्मात्यांचे उंबरठे झिजवावे लागतील.
मिथुन – ( शुभरंग – केशरी )
ऑफिस कामासाठी प्रवास होतील. घराबाहेर डोके शांत ठेवलेले बरे. वाद-विवाद संभवतात. केवळ आपल्या अधिकारांचा गैरवापर टाळून कर्तव्याला प्राधान्य द्या.
कर्क – ( शुभ रंग- हिरवा )
आज तुम्ही म्हणाल ती पूर्व असेल. आर्थिक स्थिती उत्तम असल्याने तुमची मनस्थिती ही चांगली असेल. परंतु भावनेच्या भरात कोणालाही कसलीही वचने देऊ नका.
सिंह – ( शुभ रंग – मरून )
आज तुमचा आत्मविश्वास वाढवणार्या काही घटना घडतील. एखादा जोडधंदा असेल तर त्यातून चांगली आवक होईल. देण्याघेण्याचे व्यवहार मात्र चोख ठेवावेत.
कन्या –( शुभ रंग- डाळिंबी )
आज काही दुरचे नातलग संपर्कात येणार आहेत. इम्पोर्ट एक्सपोर्ट चे व्यवसाय तेजीत चालणार आहेत. आज काही देणी द्यावी लागतील. विवाह विषयक चर्चा आज नकोत.
तुळ – ( शुभ रंग – चंदेरी )
जुन्या गुंतवणुकीतून चांगला लाभ पदरात पडेल. काही दुरावलेली नाती जवळ येतील. संततीचे विवाहयोग जुळून येतील. मित्रच आज तुम्हाला हिताचे सल्ले देतील.
वृश्चिक – (शुभ रंग- आकाशी )
कार्यक्षेत्रातील तुमचे वर्चस्व वाढेल. नोकरीच्या शोधात असाल तर इंटरव्ह्यूसाठी कॉल येतील. अधिकारी वर्गाच्या तुमच्या बद्दलच्या अपेक्षा वाढतील. घरगुती कामे दुर्लक्षित होतील.
धनु – (शुभ रंग- जांभळा )
हितशत्रू सक्रीय आहेत. प्रत्येक निर्णय विचारांती घ्या. आज परिश्रमाने यश सोपे होईल दैवाची साथ तर आहेच. कायदा मोडण्याचा विचारही मनात आणू नका.
मकर – ( शुभ रंग- गुलाबी )
विरोधक सक्रिय असताना बिनचूक कामास प्राधान्य द्यावे लागेल. कोणाकडून कसली अपेक्षा करू नका म्हणजे अपेक्षाभंग होणार नाही. मोठ्या आर्थिक उलाढाली आज नकोत.
कुंभ- (शुभ रंग- मोरपिशी)
घराबाहेर आज तुमच्या आकर्षक व्यक्तिमत्वाचा प्रभाव पडेल. एखाद्या मंगल कार्यात जोडीने उपस्थित रहाल. प्रवासात मात्र खोळंबा होण्याची शक्यता आहे.
मीन – ( शुभ रंग – स्ट्रॉबेरी )
अती श्रमाचा तब्येतीवर परिणाम जाणवेल. आरोग्याच्या क्षुल्लक तक्रारीही दुर्लक्षित करू नका. रिकामटेकड्या चर्चेतुन वाद होण्याची शक्यता आहे.
!! शुभम भवतु!!
श्री. जयंत कुलकर्णी.
फोन ९६८९१६५४२४
( ज्योतिषी आणि वस्तू सल्लागार )