Today’s Horoscope 07 January 2021 : जाणून घ्या आजचे राशीफळ
एमपीसी न्यूज - आजचे पंचांग – वार गुरुवार. …. दि. 07 जानेवारी 2021
- शुभाशुभ विचार — उत्तम दिवस.
- आज विशेष – सामान्य दिवस
- राहू काळ – दुपारी १.३० ते ३.००
- दिशा शूल – दक्षिणेस असेल.
- आजचे नक्षत्र – चित्रा १४.४६ पर्यंत नंतर स्वाती.
- चंद्र राशी – तूळ.
.
आजचे राशीभविष्य
मेष – ( शुभ रंग मोरपंखी)
महत्वाच्या चर्चा, वाटाघाटी, विवाह विषयी चर्चा यासाठी आजचा दिवस अनुकूल आहे. राजकारणी वक्ते मंडळी सभा गाजवतील. वैवाहिक जीवनातील मतभेद आज सामंजस्याने मिटतील.
वृषभ – (शुभ रंग- मोतिया)
आज तब्येतीच्या किरकोळ तक्रारी ही दुर्लक्षित करू नका विवाह जुळवणे विषयी बोलणी उद्यावर ढकला कोणतेही महत्त्वाचे निर्णय उतावीळपणे घेणे योग्य ठरणार नाही.
मिथुन – (शुभ रंग- डाळिंबी)
आज बरेच दिवसांनी तुम्हाला अपेक्षित असलेल्या प्रिय व्यक्तीचा अचानक फोन येण्याची शक्यता आहे. कवींना प्रेमगीते सुचतील. गृहिणी आज पार्लर साठी वेळ काढतील.
कर्क – (शुभ रंग -आकाशी)
आज अधिकारी वर्गाने अधिकारांचा गैरवापर टाळून कर्तव्यास प्राधान्य देणे गरजेचे. आज घरी मुलांच्या शिस्तीकडेही लक्ष द्यावे लागणार आहे. अनावश्यक लाड नकोत.
सिंह – (शुभ रंग- जांभळा)
कार्यक्षेत्रात अति व्यस्ततेमुळे कौटुंबिक गरजांकडे दुर्लक्ष होईल. कौटुंबिक सदस्यांची नाराजी पत्करावी लागेल. वाढत्या जबाबदाऱ्या पूर्ण करताना थकवा जाणवेल.
कन्या – (शुभ रंग- गुलाबी)
आज तुम्हाला आवडत्या क्षेत्रात नेतृत्व करण्याची संधी मिळेल. चैनी व विलासी वृत्ती ही बळावेल. शब्द हे शस्त्र आहे याचे भान ठेवलेले बरे. संध्याकाळी सहकुटुंब चैन कराल.
तुळ – ( शुभ रंग- स्ट्रॉबेरी)
कुठेही समोरच्या व्यक्तीस मूर्ख समजण्याची चूक अजिबात करू नका. ज्यात काही कळत नाही त्यात उगाच डोकं घालू नका. वैवाहिक जीवनात जोडीदाराच्या कलाने घेतलेले बरे.
वृश्चिक – (शुभ रंग- हिरवा)
आज काही अनपेक्षित मोठे खर्च उद्धवल्यामुळे आर्थिक ओढाताण संभवते. घरात थोर मंडळींशी वैचारिक मतभेद होतील. कलाकारांचा परदेशात नावलौकिक होईल.
धनु – (शुभ रंग- पिस्ता)
व्यापारी वर्गाची बाजारातील पत वाढेल. येणी वसूल होतील. उद्योगाची मंदावलेली गाडी पुन्हा वेग घेईल. मित्रांनी केलेल्या खोट्या स्तुतीने ही आज तुम्ही भारावून जाल.
मकर – (शुभ रंग मरून)
उद्योग धंद्यातील अथक परिश्रमाचा तब्येतीवर परिणाम जाणवेल. व्यवसायात भिडस्तपणास लगाम घालणे गरजेचे आहे. मागणी तसा पुरवठा करावा लागणार आहे.
कुंभ – ( शुभ रंग- क्रीम)
केवळ चर्चेपेक्षा झटपट निर्णय घेणे आज हिताचे राहील. उच्चशिक्षित मंडळींना विदेश गमनाचे वेध लागतील. ज्येष्ठ मंडळींची अध्यात्माकडे रुची वाढेल. गृहिणी आवर्जून दानधर्म करतील.
मीन – (शुभ रंग- पांढरा)
आज तुम्ही आपल्या मर्यादा ओळखूनच वागणे हिताचे राहील. कार्यक्षेत्रात स्पर्धा अधिकच तीव्र होण्याची शक्यता आहे. आज आवाक्‍याबाहेर कोणतेही धाडस योग्य ठरणार नाही.
!! शुभं भवतु!!
– जयंत कुलकर्णी
फोन – 96891 65424
(ज्योतिष व वास्तु सल्लागार)
