Today’s Horoscope 12 February 2024 – जाणून घ्या आजचे राशिभविष्य
एमपीसी न्यूज – Today’s Horoscope 12 February 2024 – जाणून घ्या आजचे राशिभविष्य
आजचे पंचांग
आजचा दिवस – सोमवार.
तारीख – 12.02.2024.
शुभाशुभ विचार – उत्तम दिवस.
आज विशेष – तिलकुंद चतुर्थी.
राहू काळ – सकाळी 7.30 ते 9.00 .
दिशा शूल – पूर्वेस असेल.
आज नक्षत्र – पूर्वा भाद्रपदा 14.57 पर्यंत नंतर उत्तरा भाद्रपदा.
चंद्र राशी – कुंभ 9.36 पर्यंत नंतर मीन.
मेष – ( शुभ रंग – सोनेरी)
दिवस खर्चाचा असल्याने आज बचत शक्य नाही. संध्याकाळी एखाद्या मॉलमध्ये फेरफटका माराल. अनावश्यक खरेदी ही कराल. प्रवासात एखादी चीज वस्तू गाळ होऊ शकते, सतर्क रहा.
वृषभ – ( शुभ रंग- चंदेरी)
आज तुमच्यासाठी स्वप्नपूर्तीचा दिवस. कमी श्रमातही जास्त लाभ पदरात पडण्याची शक्यता आहे. जिवलग मित्र दिलेले शब्द पाळतील. दिवसाच्या पूर्वार्धात लाभ होईल.
मिथुन – ( शुभ रंग- हिरवा)
आज तुम्ही भावनेपेक्षा जास्त कर्तव्याला प्राधान्य द्याल. कार्यक्षेत्रात प्रगतीची चक्रे गतिमान राहतील. कामाच्या व्यापात आज महत्त्वाचे घरगुती प्रश्न दुर्लक्षित होतील.
कर्क – ( शुभ रंग – मरून)
आज दैवाचे पाठबळ उत्तम असल्याने तुमच्या प्रामाणिक प्रयत्नांना यशाची खात्रीच बाळगा. घरात एखादे धार्मिक कार्य करण्याचे बेत आखाल. वडीलधाऱ्यांचा मान राखाल.
सिंह -( शुभ रंग – गुलाबी)
हितशत्रू कदाचित मित्रांमध्येच लपलेले असू शकतात. कोणतीही धाडसाची कामे आज टाळा. कोणावरही डोळे झाकून विश्वास ठेवू नका. कोणतेही गैरवर्तन करू नका.
कन्या – ( शुभ रंग- स्ट्रॉबेरी)
कौटुंबिक वातावरण सामंजस्याचे असल्याने तुम्ही आज तुमच्या कार्यक्षेत्रातही आपले महत्त्व सिद्ध करू शकाल. अडचणीच्या प्रसंगी जोडीदाराची तुम्हाला खंबीर साथ राहील.
तूळ – ( शुभ रंग- भगवा)
कोणतीही गोष्ट सहज साध्य नसली तरीही आज तुमची काही येणी असतील तर ती वसूल होण्याची शक्यता आहे. तुमच्या प्रयत्नांना आज दैवाचे पाठबळ नक्की मिळेल.
वृश्चिक- ( शुभ रंग – लाल)
कलाकार मंडळी प्रसिद्धीच्या झोतात राहतील. हौशी मंडळींना चैन करण्यासाठी पैसा उपलब्ध होईल. आज बरेच दिवसांनी जुन्या मित्रमंडळींच्या सहवासात रमाल.
धनु – (शुभ रंग- मोतिया)
आज काही घरगुती प्रश्नात लक्ष घालणे तुम्हाला गरजेचे वाटेल. मुलांच्या अभ्यासातही डोकावणे हिताचे राहील. काही रसिक मंडळी सहकुटुंब एखाद्या सहलीचे नियोजन करतील.
मकर – (शुभ रंग- आकाशी)
शेजाऱ्यांशी झालेले मतभेद दूर होऊन संबंध सुधारतील. काही जणांना आज तातडीने प्रवासासाठी निघावे लागेल. घराबाहेर क्रोधावर लगाम ठेवा. आईच्या आज्ञेत रहा.
कुंभ – (शुभ रंग- निळा)
वाढत्या खर्चातही पैशाची कमतरता भासणार नाही. आज संध्याकाळी काही येणी अनपेक्षितपणे वसूल होतील. महत्त्वाच्या कामासाठी थोडी भटकंती होईल.
मीन – ( शुभ रंग- राखाडी)
आज अति उत्साहाने तुम्ही काही चुकीचे निर्णय घ्याल. उपवारांना सुयोग्य स्थळांचे प्रस्ताव येतील. एखाद्या समारंभात तुमच्या व्यक्तिमत्त्वाचा चांगला प्रभाव पडेल.
श्री जयंत कुळकर्णी.
ज्योतिष व वास्तु शास्त्र सल्लागार.
फोन 9689165424
