Today’s Horoscope 16 March 2023 – जाणून घ्या आजचे राशिभविष्य
एमपीसी न्यूज : आजचे पंचांग – Today’s Horoscope 16 March 2023 – जाणून घ्या आजचे राशिभविष्य
वार – गुरूवार
16-03-2023
शुभाशुभ विचार – 10 नंतर चांगला दिवस.
आज विशेष – सामान्य दिवस.
राहू काळ – दुपारी 1.30 ते 3.00
दिशा शूल – दक्षिणेस असेल.
आजचे नक्षत्र- पूर्वाशाढा .
चंद्र राशी – धनु
—————————————-
आजचे राशिभविष्य
मेष – ( शुभ रंग- पांढरा )
कार्यक्षेत्रात आज डोक्याला ताप देणाऱ्या काही घटना घडतील. नोकरीच्या ठिकाणी वरिष्ठ जितके विचारतील तितकेच बोला. फार खोलात शिरलात तर तुमच्याच अडचणी वाढतील.
वृषभ (शुभ रंग- मरून)
कार्यक्षेत्रात नवीन उपक्रम सुरू करण्यासाठी आज दिवस तितकासा चांगला नाही. झटपट लाभाचा मोह टाळायला हवा. वैवाहिक जीवनात फार अपेक्षा नकोत, जे चाललंय ते बर चाललंय.
मिथुन ( शुभ रंग- निळा)
सगळी महत्त्वाची कामे आज दिवसाच्या पूर्वार्धातच करा. व्यावसायिकांनी स्पर्धकांना कमजोर समजू नये. भागीदारीत देण्या घेण्याचे व्यवहार चोख असलेले बरे
कर्क (शुभ रंग- लाल.)
नोकरीच्या ठिकाणी तुमच्या कामातील समर्पणाने वरिष्ठ प्रभावित होतील. वैवाहिक जीवनात तिसऱ्या व्यक्तीचा विषयच नको. काही येणी असतील तर मागावी लागतील.
सिंह (शुभ रंग- पिस्ता )
तुमच्या प्रामाणिक मेहनतीस आज दैवाची उत्तम साथ लाभेल. दुपारनंतर काही बिकट प्रश्न सहजच सुटतील. असाध्य आजारावर डॉक्टरांना अचूक उपाय सापडेल.
कन्या ( शुभ रंग- मोतिया)
व्यापार उद्योगास चांगली गती येईल. महत्त्वाच्या चर्चेत आपल्या मतावर तुम्ही ठाम राहणार आहात. स्थावरची खरेदी विक्री फायद्यात राहील. गृहिणी घर सजावटीस आज प्राधान्य देतील.
Alandi : आळंदीत अवकळी पावसाची जोरदार हजेरी
तूळ ( शुभ रंग- डाळिंबी)
नवीन व्यावसायिकांनी मर्यादा ओळखून आर्थिक उलाढाली केलेल्या बऱ्या. अति आत्मविश्वास हा नुकसानास कारणीभूत ठरू शकतो. घराबाहेर वावरताना रागावर ताबा ठेवा.
वृश्चिक (शुभ रंग- मरून)
आज आर्थिक व्यवहारात सावध असणे गरजेचे आहे. दिवसाच्या उत्तरार्धात एखादा मोठा खर्च उद्भवला तरीही पैशाची कमतरता भासणार नाही. आज कदाचित दंत वैद्याची भेट घ्यावी लागेल.
धनु- (शुभ रंग- स्ट्रॉबेरी)
आज नोकरीच्या ठिकाणी काही मनासारख्या घटना घडतील. सहकारी तुमच्या मताचा आदरच करतील. अधिकारांचा गैरवापर मात्र टाळा. इतरांच्या भानगडीत डोकावण्याची गरज नाही.
मकर ( शुभ रंग- गुलाबी)
आजचा दिवस उद्योग व्यवसायाच्या दृष्टीने तितकासा अनुकूल नाही. मोठे आर्थिक व्यवहार उद्यावरच ढकला. ज्येष्ठांना मनःशांतीसाठी सत्संगा शिवाय दुसरा पर्याय नाही.
कुंभ (शुभ रंग – निळा)
नोकरीच्या ठिकाणी पदोन्नतीच्या मार्गातील अडथळे दूर होतील. अधिकार योग चालूनच येतील. आज सकारात्मक दृष्टिकोन बाळगून कामाला लागा. मोठ्या भावाचे सल्ले विचारात घ्या.
मीन -(शुभ रंग – जांभळा )
आज तुम्ही फक्त आपल्या कर्तव्याला प्राधान्य देणार आहात. इतरांच्या कामासाठी आपल्या अधिकारांचा वापर कराल. आज काही रखडलेली शासकीय कामे गती घेतील..
शुभम भवतु.
श्री जयंत कुलकर्णी.
ज्योतिष व वास्तु सल्लागार.
संपर्क 9689165424