Today’s Horoscope 20 August 2023 – जाणून घ्या आजचे राशिभविष्य
एमपीसी न्यूज : आजचे पंचांग – Today’s Horoscope 20 August 2023 – जाणून घ्या आजचे राशिभविष्य
आजचे पंचांग –
वार – रविवार.
20.08.2023.
शुभाशुभ विचार – ११ पर्यंत चांगला दिवस.
आज विशेष – विनायक चतुर्थी.
राहू काळ – सायंकाळी 4.30 ते 6.00.
दिशा शूल – पश्चिमेस असेल.
आजचे नक्षत्र – हस्त.
चंद्र राशी – कन्या.
मेष – ( शुभ रंग- राखाडी )
नोकरदारांवर वरिष्ठांचा वरदहस्त राहील. यापूर्वीचे कष्ट करणी लागतील. पती-पत्नी मधील मतभेद आज दुपारनंतर निवळतील. आज तुमची तब्येत थोडी नरमच राहील.
वृषभ (शुभ रंग- आकाशी)
कार्यक्षेत्रात काही नवीन संधी चालून येतील. नवोदित कलाकार मिळालेल्या संधीचे सोने करतील. तुमच्या प्रामाणिक मेहनतीस आज नशिबाची ही उत्तम साथ राहील.
मिथुन ( शुभ रंग- पांढरा)
व्यापार उद्योगास चांगली गती येईल. महत्त्वाच्या चर्चेत आज तुम्ही आपल्या मतावर ठाम राहाल. स्थावराचे अपुरे व्यवहार मार्गी लागतील. विद्यार्थ्यांनी पालकांच्या आज्ञेत राहावे.
कर्क (शुभ रंग- हिरवा)
ज्यात काही कळत नाही त्यात उगीचच डोकं घालू नका. अति आत्मविश्वासही नुकसानास कारणीभूत ठरेल. काही अति हुशार मंडळी भेटतील. आज जरा कमीच बोला.
सिंह (शुभ रंग- स्ट्रॉबेरी)
कार्यक्षेत्रात नवीन आव्हाने आत्मविश्वासाने स्वीकाराल. आज वाणीत गोडवा ठेवाल तर अनेक किचकट कामे सोपी होतील. आज गृहिणी पाहुण्याची उठबस आनंदाने करतील.
कन्या ( शुभ रंग- केशरी)
कार्यक्षेत्रात तुमच्या शब्दास मान राहील. व्यापाऱ्यांची आवक मुबलक राहील. आज कारण नसताना इतरांच्या भानगडीत तुम्ही लक्ष घालाल प्रवासात खोळंबा संभवतो.
तूळ ( शुभ रंग- मरून)
आर्थिक व्यवहारात सावधानता बाळगणे गरजेचे आहे. आज एकाच्या भरोशावर दुसऱ्याला शब्द देऊ नका. आज फक्त स्वार्थाकडे लक्ष द्या. परमार्थ आज परवडणारा नाही.
वृश्चिक (शुभ रंग- निळा)
नोकरीच्या ठिकाणी काही मनाजोगत्या घटना घडतील वरिष्ठ तुमच्या कामाची दखल घेतील. विरोधकही आज तुमच्यापुढे नमते घेतील. संततीकडून महत्त्वाचे समाचार येतील.
धनु- (शुभ रंग- भगवा)
आज तुम्ही आपले अधिकार वापरून इतरांची कामे करू शकाल हाताखालच्या माणसांवर तुमचा वचक राहील विरोधकांनाही तुमच्या कामाची पद्धत आता आवडू लागेल.
मकर ( शुभ रंग- मोरपंखी)
नोकरी धंद्यात काही मनाविरुद्ध घटना घडल्याने नैराश्य येईल. पण हातचे सोडून पळत्या मागे धावायचा मोह टाळा. स्वतःवर संयम असू द्या. जेष्ठांना उपासनेची प्रचिती येईल.
कुंभ (शुभ रंग – चंदेरी)
आज उद्योग व्यवसायाच्या दृष्टीने प्रतिकूल दिवस असून मोठे आर्थिक व्यवहार उद्यावरच ढकला. ज्येष्ठ मंडळींना आज सत्संगातून मनशांती मिळेल. आज कोणतेही धाडस करू नका.
मीन -(शुभ रंग – डाळिंबी)
सगळी महत्त्वाची कामे आज दिवसाच्या पूर्वार्धातच उरकून घ्या भागीदारीच्या व्यवहारात पारदर्शकता असलेली बरी. संध्याकाळी जोडीदारास वेळ देणे हिताचे राहील.
शुभम भवतु.
श्री जयंत कुलकर्णी.
ज्योतिष व वास्तु सल्लागार.
संपर्क – 9689165424
