WhatsApp Instagram Down: रात्री 11 वाजता व्हाट्सअ‍ॅप, इंस्टाग्राम डाउन
45 मिनिटानंतर सेवा पूर्ववत
एमपीसी न्यूज : जगातील प्रसिद्ध आणि सर्वात जास्त युजर्स असलेलं मेसेजिंग अ‌ॅप व्हॉट्सअ‌ॅपचं सर्व्हर 45 मिनिटांसाठी डाऊन झालं होतं. या दहा मिनिटांत व्हाईस मेसेजिंग, व्हिडीओ शेअरिंग, ग्रुप चॅट हे सर्व फिचर्स अचानकपणे बंद झाले होते.
व्हॉट्सअ‌ॅपसोबतच फेसबुक मेसेंजर, इन्स्टाग्रामसुद्धा काही काळासाठी डाऊन झाले होते. या तिन्ही अ‌ॅपवरील सेवा अचानक बंद पडल्यामुले ट्विटरवर एकच खळबळ उडाली होती. काही क्षणात ट्विटरवर whatsapp down हा ट्रेण्ड सुरु झाला. ही तिन्ही अ‌ॅप अचनाकपणे बंद पडण्यामागचं नेमकं कारण अद्याप समजून तरी शकलेलंल नाही. मात्र, काही तांत्रिक कारणांमुळे मेसेजिंगला अडचण आल्याचं सांगितलं जात आहे. नंतर 45 मिनिटांनंतर या तिन्ही अ‌ॅपच्या सेवा पुन्हा सुरळीत झाल्या.
जगात लोकप्रिय असणारे मेसेंजिग अ‌ॅप व्हॉट्सअ‌ॅपचे सर्व्हर अचानकपणे बंद पडले होते. सर्व्हर बंद पडल्यामुळे सगळ्या सुविधा बंद झाल्या होत्या. मेसेजिंग, व्हिडीओ कॉल, ग्रूप चॅट, ग्रूप ही सर्व फिचर्स बंद पडली होती. हा प्रकार शुक्रवारी ( 19 मार्च) साधारण रात्री 11 च्या सुमारास घडल्यामुले ट्विटरवर व्हॉट्सअ‌ॅप डाऊनचा ट्रेण्ड काही क्षणांत सुरु झाला होता. एवढ्या मोठ्या कालावधीसाठी व्हॉट्सअ‌ॅप बंद पडण्याची ही पहिलीच घटना असल्याचे सांगण्यात येत आहे. माहिती तंत्रज्ञान क्षेत्रात तज्ज्ञ असणाऱ्या व्यक्तींनासुद्धा यामागचं नेमकं कारण अजून समजू शकलेलं नाही.
व्हॉट्सअ‌ॅपसोबत मेसेंजर, इन्स्टाग्राम डाऊन
जवळापास शुक्रवारी रात्री 11 वाजेदरम्यान व्हॉट्सअ‌ॅपसोबत फेसबुक मेसेंजेर आणि इन्स्टाग्रामच्या सेवासुद्धा अचानकपणे बंद पडल्या होत्या. संवादाची ही मुख्य माध्यमं बंद झाल्यामुळे या काळात नेटकऱ्यांना अनेक अडचणींचा सामना करावा लागला. व्हॉट्सअ‌ॅपबरोबरच मेसेंजरवरसुद्धा कोणतेही मेसेजेस जात नसल्यामुळे थेट कॉलिंग शिवाय कोणताही पर्याय शिल्लक राहीला नव्हता. मात्र आता व्हॉट्सअ‌ॅपसोबतच मेसेंजर आणि इन्स्टाग्रामच्या सेवा पूर्ववत झाल्या आहेत.
