पिंपरी-चिंचवडमध्ये विकासाच्या बाजूने कौल की सत्ता परिवर्तन?
प्रचाराची रणधुमाळी थंडावली आहे. खरी कसोटी आहे ती मतदारांची. प्रचाराच्या या सर्व धामधुमीत सर्वच राजकीय पक्षांनी आपआपली भूमिका त्यांच्यासमोर ठेवली आहे. यापैकी कुणाला सत्तेत बसवायचे आणि कुणाला नाही याचा सर्वस्वी निर्णय मतदारराजावर अवलंबून आहे. उमेदवारांचे भवितव्य मतदान यंत्रात बंदिस्त होण्यास काही तासांचाच अवधी शिल्लक राहिला आहे. त्यामुळे पिंपरी-चिंचवडकर विकासाच्या बाजूने कौल देणार की सत्ता परिवर्तन घडविणार याकडे सगळ्यांचेच लक्ष लागले आहे.