Pune News : अंतिम सत्राच्या परीक्षेसाठी 40:40:20 चा फाॅर्म्युला, विद्यापीठाचा परिक्षा आराखडा जाहीर
पुणे विद्यापीठाची अंतिम वर्षाची परीक्षा बहुपर्यायी प्रश्न पद्धतीने होणार
एमपीसी न्यूज – सावित्रीबाई फुले पुणे विद्यापीठाने अंतिम वर्षाच्या अंतिम सत्राच्या परीक्षेचा आराखडा जाहीर केला आहे. विद्यार्थ्यांना ही परीक्षा अवघड जाऊ नये, यासाठी 60 प्रश्नांपैकी 40 टक्के सोपे, 40 टक्के मध्यम तर उर्वरित 20 टक्के प्रश्न अवघड असणार आहेत. तर, बहुपर्यायी प्रश्न उपलब्ध करून द्यावे, अशी मागणी विद्यार्थ्यांकडून होत असताना अंतिम परीक्षेतील नमुना प्रश्नांवर आधारित सराव परीक्षा मुख्य परीक्षेच्या आधी दोन वेळा घेतली जाणार असल्याचे विद्यापीठाने प्रसिद्धी पत्रकात म्हटले आहे.