Alandi : आळंदीमध्ये ‘ एक गाव एक शिवजयंती ‘ मोठ्या उत्साहात साजरी
एमपीसी न्यूज – आज ( दि.28 रोजी) आळंदी येथे ‘ एक गाव एक शिवजयंती’ चे आयोजन समस्त ग्रामस्थांच्या ( Alandi ) वतीने करण्यात आले होते. शिवजयंतीनिमित्त नगरपरिषदेजवळील छत्रपती शिवाजी महाराज स्मारक आकर्षकरित्या फुलांनी सजवण्यात आले होते. शिव स्मारक येथे पालिकेतर्फे केलेल्या सुशोभीकरणाच्या कामामुळे तेथील सौंदर्यात आणखी भर पडली आहे.
Google : निवडणुकीच्या पार्श्वभूमीवर गुगलची मोठी कारवाई; 1.2 कोटी Google खाती केली ब्लॉक
सकाळी तुळापूर येथून शिवज्योतीचे आगमन झाल्यानंतर पालिका आधिकारी , कर्मचारी व आळंदीतील ग्रामस्थ यांच्या वतीने छत्रपती शिवाजी महाराजांना पुष्पहार अर्पण करून विनम्र अभिवादन करण्यात आले. सायंकाळी ग्रामस्थांच्या वतीने ढोल ताश्याच्या गजरात , बँडच्या वाद्यात, फटक्यांच्या आतिषबाजीत आदियोगी शिवभक्ती रथात छत्रपती शिवाजी महाराजांची भव्य मिरवणूक काढण्यात आली. या मिरवणुकीत घोडे ,बैलगाडीचे आयोजन करण्यात आले होते. यावेळी मोठ्या प्रमाणात शिवभक्त उपस्थित ( Alandi) होते.
