Nigdi : कनिष्ठ अभियंता महिलेला शिवीगाळ केल्याप्रकरणी राष्ट्रवादीच्या नगरसेवकावर गुन्हा
एमपीसी न्यूज – महापालिकेतील कनिष्ठ अभियंता पदावर काम करणाऱ्या महिलेला स्वतःच्या संपर्क कार्यालयात बोलावून घेऊन प्रभागात सुरू असलेल्या कामावरून शिवीगाळ केली. तसेच ‘माझ्यावर 50 गुन्हे दाखल आहेत, तू काय करणार माझे’ असे म्हणत धमकी दिली. याप्रकरणी पिंपरी चिंचवड महापालिकेतील राष्ट्रवादीच्या एका नगरसेवकावर गुन्हा दाखल करण्यात आला आहे. ही घटना सोमवारी (दि. 16) सकाळी अकरा वाजता आकुर्डी येथे घडली.