Chinchwad : सरकारी आदेशाचे उल्लंघन केल्याप्रकरणी शनिवारी 133 जणांवर कारवाई
एमपीसी न्यूज – सरकारी आदेशाचे उल्लंघन केल्याप्रकरणी शनिवारी (दि. 2) पिंपरी चिंचवड पोलिसांनी 123 जणांवर कारवाई केली आहे.
करोनाचा प्रादुर्भाव रोखण्यासाठी पंतप्रधान नरेंद्र मोदी यांनी संपूर्ण देशात लॉकडाऊन घोषित केले आहे. या लॉकडाऊनची मुदत 17 मे पर्यंत वाढविण्यात आली आहे. लॉकडाऊन सोबतच संचारबंदीचे आदेशही प्रशासनाने दिले आहेत. मात्र, शासनाच्या या आदेशाकडे दुर्लक्ष करीत दुकाने सुरू ठेवणाऱ्या, संचारबंदी आदेशाचा भंग करून मोकाट फिरणाऱ्या तसेच मास्क न वापरणाऱ्यांच्या विरोधात कारवाई करण्यात येत आहे.
लॉकडाऊनच्या काळात विनाकारण घराबाहेर फिरणाऱ्यांवर पोलिसांकडून कठोर कारवाई केली जात आहे. या कारवाईमध्ये पोलिसांनी खंड पडू दिलेला नाही. दररोज कारवाई केली जात आहे. आजवर साडेसहा हजार पेक्षा अधिक जणांवर ही कारवाई करण्यात आली आहे. तरीही नागरिक घराबाहेर पडतच आहेत.
शनिवारी पिंपरी चिंचवड शहरातील विविध पोलीस ठाण्यात भारतीय दंड विधान कलम 188 प्रमाणे एमआयडीसी भोसरी (6), भोसरी (5), पिंपरी (4), चिंचवड (23), निगडी (5), चाकण (12), दिघी (1), सांगवी (7), वाकड (14), हिंजवडी (36), देहूरोड (2), चिखली (16), रावेत चौकी (2) एकूण 133 जणांवर कारवाई केली आहे.
