Dehuroad Corona Update : कॅन्टोन्मेंट हद्दीत139 सक्रिय रुग्ण; 4 नव्या रुग्णांची नोंद
एमपीसी न्यूज : देहूरोड कॅन्टोन्मेंट बोर्ड हद्दीत आज ( सोमवारी, दि.29) ) 4 कोरोना पॉझिटिव्ह रुग्णांची नोंद झाली. त्यामुळे हद्दीतील कोरोनाच्या आतापर्यंतच्या एकूण बाधित रुग्णांची संख्या 1585 इतकी झाल्याची माहिती कॅन्टोन्मेंट बोर्ड प्रशासनाने दिली.
कॅन्टोन्मेंट प्रशासनाने आज, सायंकाळी सहा वाजता प्रसिद्ध केलेल्या आकडेवारीनुसार, आजपर्यंत हद्दीत एकूण 1585 कोरोना पॉझिटिव्ह रुग्ण आढळून आले.
आज मिळालेल्या आकडेवारीनुसार संकल्प नगरी, श्रीविहार सोसायटी, थॉमस कॉलनी आणि शेलारवाडी येथे प्रत्येकी एक अशा एकूण 4 कोरोना पॉझिटिव्ह रुग्णांची नोंद झाली. सध्या 10 रुग्णांवर रुग्णालयात उपचार सुरु आहेत.
आतापर्यंत एकूण 1410 रुग्ण उपचारातून बरे झाल्याने त्यांना घरी सोडण्यात आले. होम आयसोलेशनमध्ये 80 रुग्ण असून हद्दीत एकूण 139 सक्रिय रुग्ण आहेत.
सीजिएच कोविड सेंटरमध्ये सध्या 41 रुग्ण दाखल आहेत. हिंजवडी येथील विप्रो डीसीएचसी येथे 6 रुग्ण उपचार घेत आहेत. पिंपरी चिंचवड कोरोना केअर सेंटरमध्ये 2 रुग्णावर उपचार सुरु आहेत.
कोरोनामुळे आजपर्यंत 36 रुग्णांचा मृत्यू झाला असल्याचे कॅन्टोन्मेंट बोर्डाच्या आरोग्य विभागाकडून सांगण्यात आले.
