Compressed Biogas : CBG इंधनपासून पुणे शहरातील बसेस चालविण्याच्या उपक्रमाचे उद्घाटन
एमपीसी न्यूज – पुणे महापालिकेच्या घनकचरा व्यवस्थापन विभागामार्फत ओल्या कचऱ्यापासून (Compressed Biogas) इंधन निर्मितिचा प्रकल्प सुस रोड, बाणेर येथे उभारण्यात आलेला आहे. या प्रकल्पातून निर्माण होणाऱ्या CBG इंधनापासून पुणे शहरातील बसेस चालविण्याचे अभिनव उपक्रमाचा उद्घाटन समारंभ शुक्रवारी महापालिका मुख्य इमारती समोरील बस स्थानक येथे महापालिका आयुक्त विक्रम कुमार यांच्या हस्ते पार पडला.
पुणे शहरातील बसेस चालविण्याचे अभिनव उपक्रम “सिटी वेस्ट टू सिटी बस” पुणे महापालिका, पुणे महानगर परिवहन महामंडळ लि., इंडियन ऑईल कॉर्पोरेशन लिमिटेड, मे. नोबेल एक्स्चेंज यांच्या संयुक्त संकल्पनेने राबविण्यात येत आहे. सीएनजी ऐवजी शहरातील ओल्या कचऱ्यावर प्रक्रिया करून निर्माण झालेल्या सिबिजीचा (CBG) हा एक पर्यावरणपूरक दीर्घकालीन शाश्वत उपाय आणि इतर शहरांसाठी अनुकरण करण्यासाठी एक आदर्श ठरेल. तळेगावजवळील सोमाटणे येथे असलेल्या इंडियन ऑईल रिटेल आउटलेटमध्ये पीएमपीएमएलच्या बसेसला इंधन दिले जाईल. शुक्रवारपासून दैनंदिन सुमारे १० – १५ बसेसमध्ये कचऱ्यापासून निर्माण होणारे CBG इंधन भरण्यासाठी व्यावसायिक ऑपरेशन्स सुरु झाले आहे आणि टप्प्याटप्प्याने दैनंदिन सुमारे १०० सिटी बसेसपर्यंत सदरचे उपक्रम राबविण्यात येणार आहे. याकरिता सध्यस्थितीत शहरामध्ये निर्माण होणारे सुमारे १२५ मे. टन ओला कचरा सदर प्रकल्पामध्ये प्रक्रिया करण्यात येत असून सदर प्रकल्पाची २०० मे. टन प्रती दिन क्षमता वाढ करण्याचे नियोजन आहे.
Sanjay Raut : पत्राचाळ प्रकरणी संजय राऊत यांची ईडीकडून 10 तास चौकशी
या कार्यक्रमाला अतिरिक्त महापालिका रवींद्र बिनवडे, अतिरिक्त महापालिका डॉ. कुणाल खेमनार, पुणे महानगर परिवहन महामंडळ लि. चे व्यवस्थापकीय संचालक ललित कुमार मिश्रा, उप आयुक्त आशा राऊत (घनकचरा व्यवस्थापन विभाग) आणि इंडियन ऑईल कॉर्पोरेशन लिमिटेडचे रवींद्र के आर व नोबल एक्स्चेंजकडील अधिकारी नुरीअल पेझरकर हे उपस्थितीत होते.
