Maharashtra News : अमरनाथ यात्रेसाठी गेलेले पुणे, नांदेड येथील 19 भाविक सुरक्षित
एमपीसी न्यूज – नांदेड येथील 18 भाविक व त्यांच्यासोबत पुणे येथील 1 असे 19 भाविक नांदेड येथून मनमाड व पुढे मनमाड वरून जम्मू मार्गे आमरनाथ यात्रेसाठी (Maharashtra News ) रवाना झाले होते. ते पहलगाम येथे पोहोचून पुढे 6 जुलै रोजी अमरनाथ यात्रेसाठी रवाना झाले होते. तथापि, खराब हवामानामुळे ते अमरनाथ गुफेपासून किमी अलीकडील पंचतरणी येथे अडकून पडले आहेत. सध्या ते आर्मी कॅम्प मध्ये सुरक्षित आहेत. जिल्हा नियंत्रण कक्ष त्यांच्याशी सतत संपर्कात आहेत.
Maharashtra News : मुख्यमंत्री जेव्हा रुग्णाला आपल्या ताफ्यातील रुग्णवाहिका देतात…
जिल्हाधिकारी अभिजीत राऊत यांनी यासंदर्भात आढावा घेवून तेथील जिल्हाधिकाऱ्यांशी संपर्क साधून अधिक व्यवस्था केली आहे. वातावरण अनुकूल झाल्याबरोबर सर्वांना सुरक्षितरित्या पहलगाम येथे आणण्यात येईल त्यामुळे घाबरून जाण्याचे काही कारण नाही असे जिल्हा प्रशासनाने सांगितले आहे.
निवासी उपजिल्हाधिकारी महेश वडदकर हे समन्वय साधत असून संबंधितांची नावे खालीलप्रमाणे आहेत.
अनिल पांपटवार, संजय मनाठकर, राजेंद्र मनाठकर, मंजुषा दमकोंडवार, अरुण दमकोंडवार, प्रवीण सोनवणे, विजया सोनवणे, विजयनाथ तोनशुरे, शिवकांता तोनशुरे, सुरेखा पत्रे, शामल देशमुख, प्रमोद देशपांडे, मंजुषा देशपांडे, मिसेस कडबे, तुकाराम कैळवाड, पंकज शीरभाते, प्रणिता शिरभाते, आकुलवार, निलेश म्हात्रे
अधिक माहितीसाठी नातलगांनी जिल्हा आपत्ती व्यवस्थापन अधिकारी किशोर कुऱ्हे पाटील (+91 9422875808) यांच्याशी संपर्क करण्याचे आवाहन करण्यात आले (Maharashtra News ) आहे.
