Pimpri Corona Update: शहरात आज नवीन 25 रुग्णांची नोंद, 62 कोरोनामुक्तांना डिस्चार्ज
एमपीसी न्यूज – पिंपरी-चिंचवड शहरातील कोरोनाची रुग्णसंख्या मोठ्या प्रमाणात घटली आहे. शहराच्या विविध भागातील 25 नवीन कोरोना बाधित रुग्णांची आज (गुरुवारी) नोंद झाली. तर, कोरोनामुक्त झालेल्या 62 जणांना डिस्चार्ज देण्यात आला.
कोरोनामुळे महापालिका हद्दीमधील एक आणि महापालिका हद्दीबाहेरील एक अशा दोन रुग्णांचा आज मृत्यू झाला. आजपर्यंत शहरातील 4 हजार 622 जणांचा कोरोनामुळे मृत्यू झाला. शहरातील 3 लाख 58 हजार 802 जणांना आजपर्यंत कोरोनाची लागण झाली. सध्या 319 सक्रिय रुग्ण शहरात आहेत. त्यातील 292 रुग्ण गृहविलगीकरणात असून 27 सक्रीय रूग्णांवर महापालिका रुग्णालयामध्ये उपचार सुरू आहेत.
तर, शहरात मेजर कंटेन्मेंट झोन 10 आणि मायक्रो कंटेन्मेंट झोन 801 आहेत. आज दिवसभरात 2 हजार 941 नागरिकांचे लसीकरण झाले. आजपर्यंत 34 लाख 30 हजार 378 जणांनी कोरोना प्रतिबंधक लस घेतली.
