Pimpri Corona Update: शहरात आज नवीन 302 रुग्णांची नोंद; 394 कोरोनामुक्तांना डिस्चार्ज

एमपीसी न्यूज – पिंपरी-चिंचवड शहराच्या विविध भागातील 302 नवीन कोरोना बाधित रुग्णांची आज (गुरुवारी) नोंद झाली. तर, कोरोनामुक्त झालेल्या 394 जणांना डिस्चार्ज देण्यात आला.

कोरोनामुळे महापालिका हद्दीमधील दोन रुग्णांचा आज मृत्यू झाला. आजपर्यंत शहरातील 4 हजार 614 जणांचा कोरोनामुळे मृत्यू झाला. शहरातील 3 लाख 57 हजार 836 जणांना आजपर्यंत कोरोनाची लागण झाली. सध्या 1 हजार 473 सक्रिय रुग्ण शहरात आहेत. त्यातील 1 हजार 390 रुग्ण गृहविलगीकरणात असून 83 सक्रीय रूग्णांवर महापालिका रुग्णालयामध्ये उपचार सुरू आहेत.

तर, शहरात मेजर कंटेन्मेंट झोन 35 आणि मायक्रो कंटेन्मेंट झोन 899 आहेत. आज दिवसभरात 248 नागरिकांचे लसीकरण झाले. आजपर्यंत 33 लाख 66 हजार 988 जणांनी कोरोना प्रतिबंधक लस घेतली.