Pimpri Corona Update: शहरात आज नवीन 335 रुग्णांची नोंद; 1 हजार 177 कोरोनामुक्तांना डिस्चार्ज
एमपीसी न्यूज – पिंपरी-चिंचवड शहराच्या विविध भागातील 335 नवीन कोरोना बाधित रुग्णांची आज (शुक्रवारी) नोंद झाली. तर, कोरोनामुक्त झालेल्या 1 हजार 177 जणांना डिस्चार्ज देण्यात आला.
कोरोनामुळे महापालिका हद्दीमधील तीन रुग्णांचा आज मृत्यू झाला. आजपर्यंत शहरातील 4 हजार 608 जणांचा कोरोनामुळे मृत्यू झाला. शहरातील 3 लाख 56 हजार 711 जणांना आजपर्यंत कोरोनाची लागण झाली. सध्या 3 हजार 728 सक्रिय रुग्ण शहरात आहेत. त्यातील 3 हजार 552 रुग्ण गृहविलगीकरणात असून 176 सक्रीय रूग्णांवर महापालिका रुग्णालयामध्ये उपचार सुरू आहेत.
तर, शहरात मेजर कंटेन्मेंट झोन 76 आणि मायक्रो कंटेन्मेंट झोन 915 आहेत. आज दिवसभरात 10 हजार 743 नागरिकांचे लसीकरण झाले. आजपर्यंत 33 लाख 43 हजार 892 जणांनी कोरोना प्रतिबंधक लस घेतली.
