Pimpri Corona Update : धक्कादायक ! कोरोनामुळे 61 मृत्यू; 2128 नवीन रुग्णांची नोंद

एमपीसी न्यूज – मागील चार दिवसांपासून पिंपरी-चिंचवड शहरातील कोरोना बळींचे प्रमाण वाढत आहे. आज (गुरूवारी) तब्बल 61 जणांचा मृत्यू झाल्याची नोंद माहिती महापालिकेकडे झाली आहे. तर, शहराच्या विविध भागातील 2 हजार 86 आणि महापालिका हद्दीबाहेरील 42 अशा 2 हजार 128 नवीन रुग्णांची नोंद झाली.

उपचाराला दहा दिवस पूर्ण झालेल्या आणि कोणतीही लक्षणे नसलेल्या 2110 जणांना डिस्चार्ज देण्यात आला. शहरातील 36 आणि महापालिका हद्दीबाहेरील 25 अशा 61 जणांचा आज मृत्यू झाला. त्यात 36 पुरुष आणि 25 महिला रुग्णांचा समावेश आहे.

मागील चोवीस तासात 23 मृत्यू झाले आहेत. यापूर्वी मृत्यू झालेल्या केसेस आज कळविल्यामुळे मृत्यूचा आकडा वाढला असल्याचे वैद्यकीय विभागाने सांगितले.

शहरात आजपर्यंत 1 लाख 75 हजार 405 जणांना कोरोनाची लागण झाली आहे. त्यातील 1 लाख 50 हजार 738 जण बरे होऊन घरी गेले आहेत. शहरातील 2285 जणांचा तर शहराबाहेरील परंतू महापालिका रूग्णालयात उपचार घेणार्‍या 958 अशा 3243 जणांचा आजपर्यंत कोरोनामुळे मृत्यू झाला.

सध्या 6545 सक्रीय रूग्णांवर पालिका रुग्णालयामध्ये उपचार सुरू आहेत. तर, 6549 जणांचे चाचणी अहवाल प्रतिक्षेत आहेत. आजपर्यंत 2 लाख 78 हजार 645 जणांनी कोरोना प्रतिबंधक लस घेतली.