Pimpri News : शहर काँग्रेसच्या वतीने कोविड मदत व सहाय्य केंद्र सुरु – सचिन साठे

एमपीसी न्यूज – पिंपरी चिंचवड शहरातील कोविडबाधित रुग्ण आणि त्यांच्या नातेवाईकांना सहाय्य करण्यासाठी पिंपरी चिंचवड शहर काँग्रेसच्या वतीने विजयनगर, काळेवाडी, पिंपरी येथे रविवार (दि. 11 एप्रिल) पासून ‘कोविड मदत व सहाय्य केंद्र’ सुरु करण्यात आले आहे, अशी माहिती पिंपरी चिंचवड शहर जिल्हा अध्यक्ष सचिन साठे यांनी दिली आहे.

कोरोनाच्या महामारीने राज्यापुढे फार मोठे संकट उभे केले आहे. राज्य स्तरावर प्रशासन, वैद्यकीय आणि आरोग्य विभाग महाविकास आघाडी सरकारच्या मार्गदर्शनाखाली कोरोनावर नियंत्रण मिळविण्यासाठी काम करीत आहेत. मात्र जनतेच्या सकारात्मक प्रतिसाद मिळत नाही, तो पर्यंत कोरोनावर मात करणे अशक्य आहे. त्यामुळे सामाजिक दायित्वाच्या भुमिकेतून काँग्रेस पक्षाच्या वतीने राज्यपातळीवर, अगदी गाव-खेड्यात, वॉर्ड स्तरापर्यंत या विषयी जनजागृती करुन कोविड रुग्णांना वैद्यकीय सहाय्यता पुरविण्यासाठी ‘कोविड मदत व सहाय्य केंद्र’ सुरु करण्यात आले आहेत.

कोरोनावर मात करण्यासाठी जनजागृती व जनतेचा सहभाग आवश्यक आहे. यासाठी ‘सज्जी वर्की यांचे जनसंपर्क कार्यालय, साई इन्कलेव्ह, विजयनगर, काळेवाडी, पिंपरी पुणे -17’ येथील केंद्रातून विविध उपक्रम राबविण्यात येणार आहेत. या केंद्रातून रुग्णांना वैद्यकीय सहाय्यता उपलब्ध व्हावी यासाठी मयुर जयस्वाल (9922146302), चंद्रशेखर जाधव (7218851885), विशाल कसबे (9850281908), मकरध्वज यादव (9922815267), कुंदन कसबे (9112465899), जिफिन जॉनसन (9822433695), आणि गौरव चौधरी (9665004794) हे पदाधिकारी कार्यरत राहणार आहेत.

तसेच राज्याचे आपत्ती व्यवस्थापन मंत्री विजय वडेट्टीवार, वैद्यकीय व शिक्षण मंत्री अमित देशमुख, काँग्रेसचे मुंबई विभागीय अध्यक्ष अशोक जगताप, काँग्रेस प्रदेश कार्याध्यक्ष शिवाजीराव मोघे, अरिफ खान, चंद्रकांत हंडोरे, बसवराज पाटील, आमदार प्रणिती शिंदे, मुंबई कार्याध्यक्ष चरणसिंग सप्रा यांच्या मार्गदर्शनाखाली मुंबईसह राज्यातील प्रत्येक जिल्हा कार्यालयात ‘कोविड सहाय्य व मदत केंद्र’ आणि 24X7 हेल्पलाईन सुरु करण्यात येत आहेत. राज्य समन्वयक म्हणून निती भाऊराव पाटील हे काम पहात आहेत, असेही साठे यांनी सांगितले.

MPCNEWS आता टेलीग्रामवर आहे. आमचं चॅनेल (@mpcnews1) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.