Pimpri: साडेतीन लाख नागरिकांचे सर्वेक्षण, 910 जण ‘होम क्वॉरंटाईन’मध्ये
एमपीसी न्यूज – परदेशातून प्रवास करुन पिंपरी-चिंचवड शहरात आलेल्या 910 जनांना ‘होम क्वॉरंटाईन’मध्ये (वेगळ्या कक्षात) ठेवण्यात आले आहे. या सर्वांनी किमान 14 दिवसासाठी किंवा आवश्यकता भासल्यास पुढील 28 दिवसांपर्यत घरातच थांबण्याच्या सूचनांचे पालन करावे. सूचनांचे पालन न करणाऱ्या होम क्वारंटाईनमधील नागरिकांवर कायद्यानुसार कारवाई केली जाईल. पोलिसांमार्फत ताब्यात घेवून पुढील 28 दिवसांपर्यत संस्थात्मक विलगीकरण (क्वारंटाईनची )व्यवस्था केलेल्या ठिकाणी राहावे लागेल, असा इशारा महापालिकेने दिला आहे. आजअखेर शहरातील 3 लाख 37 हजार 272 नागरिकांचे सर्वेक्षण करण्यात आले आहे.
महापालिकेच्या यशवंतराव चव्हाण स्मृती रुग्णालय व नवीन भोसरी रुग्णालयामधून आजपर्यंत एकूण 121 व्यक्तींचे कोरोनाकरीता घशातील द्रावां नमुने एनआयव्हीकडे तपासणीसाठी पाठविण्यात आले आहेत. शहरातील कोरोना बाधित रुग्ण 12 असून सर्वांची प्रकृती स्थिर आहे. त्यांच्यावर महापालिकेच्या यशवंतराव चव्हाण स्मृती रुग्णालय, नवीन भोसरी रुग्णालयांमधील ‘आयसोलेशन’ कक्षामध्ये उपचार सुरु आहेत.