Pune Corona Update : आज दिवसभरात 157 नवे रुग्ण तर 280 रुग्णांना डिस्चार्ज
एमपीसी न्यूज – पुण्यात आज दिवसभरात 157 नव्या कोरोनाबाधितांची तर 280 रुग्णांना डिस्चार्ज दिल्याची नोंद करण्यात आली आहे.
पुणे पालिका हद्दीत 19 कोरोनाबाधित रुग्ण तर पुण्याबाहेरील 12 रुग्णांचा मृत्यू झाला आहे. आजच्या नव्या संख्येसह मृतांची एकूण संख्या 8 हजार 578 इतकी झाली आहे. शहरात 291 गंभीर रुग्णांवर उपचार सुरु आहेत. तर ॲक्टिव्ह रुग्ण संख्या 2289 झाली आहे.
आजपर्यंत एकूण पॉझिटिव्ह रुग्णसंख्या 4 लाख 77 हजार 741 इतकी झाली आहे. पुण्यात आतापर्यंत एकूण 4 लाख 66 हजार 874 जणांना डिस्चार्ज देण्यात आला आहे, तर पुणे शहरात आज एकाच दिवसात 4 हजार 176 नमुने घेण्यात आले आहेत.
तरीही नागरिकांनी घराबाहेर पडताना काळजी घ्यावी. तोंडाला मास्क, हात धुणे आणि शारीरिक आंतरपालन करण्याचे आवाहन पुणे महापालिकेच्या आरोग्य विभागाकडून करण्यात आले आहे.
