Pune News : धर्मांतर, गोहत्या, लव्ह जिहाद मुद्द्यावरून पुण्यात रविवारी हिंदू जनआक्रोश मोर्चा
एमपीसी न्यूज- सकल हिंदू समाजच्या वतीने येत्या रविवारी हिंदू जन आक्रोश मोर्चाचे आयोजन करण्यात आले असल्याची माहिती राजे शिवराय प्रतिष्ठानचे महेश पवळे यांनी आज पत्रकार परिषदेत( Pune News)दिली.
हिंदू गर्जना प्रतिष्ठानचे धीरज घाटे, श्री. शंभू चरित्राचे अभ्यासक नीलेश भिसे, मातृ शक्तीच्या नलिनी वायाळ, विश्‍व हिंदू परिषदेचे किशोर चव्हाण, पतीत पावन संघटनेचे स्वप्नील नाईक, शिव समर्थ प्रतिष्ठानचे दीपक नागपुरे, शिव प्रतिष्ठानचे संजय पासलकर, यांची प्रमुख उपस्थिती होती.
पवळे म्हणाले, ‘या मोर्चाची गेल्या एक महिन्यापासून तयारी सुरू आहे. हा मोर्चा अभूतपूर्व असा होईल. शहरातील राजकीय पक्ष, हिंदुत्ववादी संघटना, व्यापारी, गणेशोत्सव मंडळे या मोर्चात सहभागी होणार आहेत. मोर्चात महिला आणि युवकांचा लक्षणीय सहभाग असेल. सकल हिंदू समाजाच्या ताकदीचे या निमित्ताने दर्शन होणार आहे. तेलंगणाचे आमदार राजा भैया, ‘तुकाराम महाराजांचे वंशज शिवाजीराव मोरे, शिरीष मोरे, धनंजय देसाई (Pune News)यांचा विशेष सहभाग असणार आहे.’
Chinchwad News : येत्या सोमवारी रंगणार महाराष्ट्र सौंदर्यसम्राज्ञी महाप्रतियोगिता सोहळा
भिसे म्हणाले, ‘धर्मांतर, गोहत्या आणि लव जिहाद यासाठी कडक कायदे करावेत व त्यांची कठोर अंमलबजावणी करावी आणि धर्मवीर छत्रपती संभाजी महाराज यांचा बलिदान दिवस धर्मवीर दिन म्हणून साजरा करावा या मागण्यांसाठी हा मोर्चा काढण्यात येणार आहे.’
घाटे म्हणाले, ‘रविवारी (22 जानेवारी) सकाळी 10 वाजता लाल महाल येथून मोर्चाची सुरूवात होईल. श्रीमंत दगडूशेठ हलवाई गणपतीची महाआरती करून लक्ष्मी रस्त्याने मोर्चा डेक्कन परिसरातील( Pune News )संभाजी महाराजांच्या स्मारकाजवळ पोहोचेल.’
