Pune : दुचाकीला धक्का देत दाम्पत्याकडून आठ लाखांची रोकड हिसकावून चोरटे पसार

सुरेश नामदेव खंकाळ (वय 45 , रा. शितळानगर, जयसिंग हाऊसजवळ, देहू रस्ता) यांनी चंदननगर पोलिस ठाण्यात फिर्याद दिली आहे. पोलिसांनी दिलेल्या माहितीनुसार, फिर्यादी खंकाळ पुणे स्टेशन परिसरातील एका खासगी रुग्णालयात नोकरीस आहेत. लोणीकंद परिसरात जागेचा व्यवहार करण्यासाठी त्यांनी बँकेमधून आठ लाख 16 हजार रुपये काढले.

ही रक्कम पिशवीतून घेऊन खंकाळ दांपत्य दुचाकीवरून खराडी बाह्यवळण चौकातून केशवनगरकडे निघाले होते. त्यावेळी दुचाकीवरून आलेल्या दोघाजणांनी त्यांचा पाठलाग करून त्यांच्या दुचाकीला धक्का दिला. एका बिअर शॉपीसमोरील खंकाळ दांपत्य दुचाकीवरून खाली पडले. त्यानंतर लगेचच चोरटे ती पिशवी हिसकावून पसार झाले. या पिशवीत आठ लाख 16 हजारांची रोकड, आधारकार्ड आणि धनादेश होते.

या घटनेची माहिती मिळाल्यानंतर परिमंडळ चारचे पोलिस उपायुक्त विजयकुमार मगर, सहायक आयुक्त संजय पाटील, वरिष्ठ पोलिस निरीक्षक मनीषा पाटील घटनास्थळी दाखल झाले. आरोपींचे सीसीटीव्ही चित्रीकरण मिळाले असून, त्याआधारे पोलिस आरोपींचा शोध घेत आहेत. पुढील तपास पोलिस उपनिरीक्षक तानाजी शेगर करीत ( Pune ) आहेत.