Ravet: बंधाऱ्यातील पाण्याची पातळी खालावली; शहराचा पाणीपुरवठा विस्कळीत
एमपीसी न्यूज – रावेत बंधा-यातील पाण्याची पातळी कमी झाली आहे. त्यामुळे पिंपरी-चिंचवड शहराचा आजचा आणि उद्या (गुरुवारी) पाणीपुरवठा विस्कळीत असणार आहे, असे महापालिकेच्या पाणीपुरवठा विभागाने कळविले आहे.
मावळातील पवना धरणातून पिंपरी-चिंचवडकरांना पाणीपुरवठा केला जातो. धरणातून नदीपात्रात पाणी सोडले जाते. रावेत येथील बंधा-यातून महापालिका पाण्याचा उपसा करते. पाणी शुद्ध करुन शहरवासियांना पाणीपुरवठा केला जातो.
रावेत बंधा-यातील पाण्याची पातळी कमी झाली आहे. त्यामुळे अशुद्ध जलउपसा केंद्रातील काही पंपस्‌ बंद करावे लागले आहेत. पाण्याचा उपसा कमी होत असल्यामुळे पिंपरी-चिंचवड शहराचा आजचा आणि उद्या (गुरुवारी) पाणीपुरवठा विस्कळीत राहणार आहे. पाणीपुरवठा सुरळीत करण्यासाठी विभागाचे प्रयत्न सुरु आहेत. नागरिकांनी पाण्याचा काटकसरीने वापर करावा, असे आवाहन पाणीपुरवठा विभागाने केले आहे.
