Rekha Dubey : रेखा दुबे यांचा ‘डिजीटल इंडिया काँट्रीब्यूटर अवॉर्ड 2022’ने सन्मान
एमपीसी न्यूज – वर्ल्ड सेफ्टी ऑर्गनायजेशन, नॅशनल ऑफिस फॉर इंडिया स्टेट लेव्हल ओएचएसअँडई (ऑक्युपेशनल हेल्थ अँड सेफ्टी अँड द एनव्हार्यनमेंट) अवॉर्डस् 2022 च्या वतीने आदित्य बिर्ला मेमोरियल हॉस्पिटल पुणेच्या सीईओ रेखा दुबे (Rekha Dubey) यांना वैयक्तिक पुरस्कार- डिजीटायजेशन क्षेत्रात ‘डिजीटल इंडिया काँट्रीब्यूटर अवॉर्ड‘ने सन्मानित करण्यात आले.
रेखा दुबे यांना कामकाजाची प्रभावी पद्धत, मानवी चुका कमी करणे, कामाची नक्कल आणि जागेची बचत याकरिता डिजीटल/ स्मार्ट हॉस्पिटल सॉफ्टवेअर विकसीत करून अंमलबजावणी केल्याने तसेच मूल्यांकन वर्ष 2021 करिता सर्वाधिक अद्वितीय कामगिरी बजावल्याबद्दल या पुरस्काराने गौरविण्यात आले.
Pimpri News : पुण्यातील 90 वर्षीय महिला75 वर्षानंतर गेल्या आपल्या पाकिस्तानमधील घरी
“आम्ही डिजीटायजेशनकरिता करण्यात आलेल्या प्रयत्नांची दखल घेतली गेली आणि सन्मान प्राप्त झाल्याने मला समाधान वाटते आहे. डिजीटायजेशन व आरोग्य देखरेख तंत्रज्ञान पायाभूत सुविधा बळकटीकरण हेच भवितव्य आहे, यावर आदित्य बिर्ला मेमोरियल हॉस्पिटलमध्ये आमचा ठाम विश्वास आहे”, असे आदित्य बिर्ला हॉस्पिटलच्या सीईओ रेखा दुबे (Rekha Dubey) यांनी सांगितले.
