pimpri news: संस्कारची दिवाळी अतिदुर्गम जिमलगट्टा या भागातील आदीवासी बांधवांसोबत साजरी
एमपीसी न्यूज : पिंपरी-चिंचवड पोलीस आयुक्त अंकुश शिंदे,सहाय्यक पोलीस आयुक्त सागर कवडे,गडचिरोली जिल्हा पोलीस अधिक्षक अंकीत गोयल,अप्पर पोलीस अधिक्षक सोमय मुंडे ( अभियान),अप्पर पोलीस अधिक्षक समीर शेख (प्रशासन), अप्पर पोलीस अधिक्षक अनुज तारे (प्राणहिता) व जीमलगट्टा उपविभागीय पोलीस उपअधिक्षक सुजितकुमार क्षिरसागर व पोलीस दादारोला खिडकी कार्यालय आणि संस्कार प्रतिष्ठान महाराष्ट्र राज्य पिंपरी चिंचवड शहर यांच्या मार्गदर्शनाखाली जीवनाश्यक वस्तूंचे मोठ्या प्रमाणावर वाटप करण्यात आल्याने येथील नागरिकांमध्ये खूप आनंदाचे वातावरण निर्माण झाले.
दिवाळीनिमित्त आयोजित करण्यात आलेल्या अतिदुर्गम भागात वास्तव्यास असलेल्या आदिवासी अंध,अपंग, निराधार,कुष्ठरोगी व गरजवंत नागरिकांसाठी दरवर्षी प्रमाणे दिवाळी निमित्त लहान मोठे मुलं,मुली व महिला,पुरुष यांना कपडे,फराळ,मिठाई,औषधे,आकाश कंदील,विद्यार्थ्यांना शैक्षणिक साहित्य तसेच विकलांग विद्यार्थ्यांकरीता तीन चाकी पाच सायकली सह इतर साहित्याचे वाटप करण्यात आले.
