Talegaon Dabhade : ‘कॅम्पस प्लेसमेंट’मध्ये इंद्रायणी महाविद्यालयाच्या 54 विद्यार्थ्यांना एचडीएफसी बँकेकडून मोठे पॅकेज

निवड झालेल्या विद्यार्थ्यांना तत्काळ नियुक्ती पत्र देण्यात येणार असल्याचे बँक लोन विभागाचे असिस्टंट व्हॉइस प्रेसिडेंट विवेककुमार श्रीवास्तव यांनी सांगितले. तसेच या उमेदवारांसाठी मुंबई वगळता उर्वरित महाराष्ट्र हे कार्यक्षेत्र असेल असे अधिकाऱ्यांनी सांगितले.

भारतातील खाजगी क्षेत्रातील नामांकित बँक असलेल्या एचडीएफसी बँकेत आज भारतभर एक लाखाच्या वर कर्मचारी काम करतात.त्यामुळे अशा ठिकाणी काम करण्याची संधी विद्यार्थ्यांना उपलब्ध होते आहे याचा मनस्वी आनंद होत असल्याची भावना इंद्रायणी महाविद्यालयाचे प्राचार्य डॉ. संभाजी मलघे यांनी आपल्या स्वागतपर प्रास्ताविकात बोलून दाखवली. तसेच मुलाखतीसाठी विद्यार्थ्यांचे मनोधैर्य वाढविण्याचे काम त्यांनी यावेळी केले.

या प्रसंगी इंद्रायणी विद्या मंदिर संस्थेचे अध्यक्ष रामदास काकडे,कार्यवाह चंद्रकांत शेटे, महाविद्यालयाचे प्राचार्य डॉ. संभाजी मलघे,फार्मसी कॉलेजचे प्राचार्य डॉ. विठ्ठल चोपडे बीबीए बीबीसीच्या प्रमुख व प्लेसमेंट समन्वयक प्रा. विद्या भेगडे, वाणिज्य विभागाच्या प्रमुख  प्रा आर आर भोसले तसेच दोन्ही महाविद्यालयाचे प्राध्यापक आदी मान्यवरांनी निवड झालेल्या विद्यार्थ्यांचे अभिनंदन केले.

यावेळी एचडीएफसी बँकेचे श्रीवास्तव यांनी सांगितले की, इंद्रायणी विद्या मंदिर संस्थेच्या निवड झालेल्या उमेदवारांना सहा ते सात लाखांचे पॅकेज देण्यात येणार आहे. विद्यार्थ्यांना या  निमित्ताने नोकरीची संधी उपलब्ध झाल्याबद्दल पालकांनी आनंद व्यक्त केला आहे.