Talegaon Dabhade : इंद्रायणी महाविद्यालयात आंतरमहाविद्यालयीन पॉवरलिफ्टिंग स्पर्धेचे आयोजन
एमपीसी न्यूज – तळेगाव दाभाडे (Talegaon Dabhade) येथील इंद्रायणी महाविद्यालयात आंतरमहाविद्यालयीन पॉवरलिफ्टिंग (मुले, मुली) स्पर्धेचे आयोजन करण्यात आले आहे. सावित्रीबाई फुले पुणे विद्यापीठांतर्गत पुणे जिल्हा विभागीय क्रीडा समिती व इंद्रायणी महाविद्यालय यांच्या संयुक्त विद्यमाने मंगळवार (दि. 6) व बुधवार (दि. 7) रोजी या स्पर्धा होणार आहेत.
मंगळवार दि. 6 रोजी सकाळी 10 वाजता स्पर्धेचे उद्घाटन इंद्रायणी विद्यामंदिर संस्थेचे अध्यक्ष व प्रसिद्ध उद्योजक रामदास काकडे यांच्या हस्ते इंद्रायणी महाविद्यालयाच्या सभागृहात होणार असून संस्थेचे कार्यवाह चंद्रकांत शेटे व अन्य पदाधिकारी प्रमुख पाहुणे म्हणून उपस्थित राहणार असल्याची (Talegaon Dabhade) माहिती प्राचार्य डॉ. संभाजी मलघे यांनी दिली.
दोन दिवस चालणा-या मुलांमुलींच्या या स्पर्धेत पुणे जिल्ह्यातील विविध महाविद्यालयाच्या विद्यार्थ्यांनी सहभाग नोंदविला असून आणखीही अनेक विद्यार्थ्यांनी या स्पर्धेत सहभागी होण्याचे आवाहन इंद्रायणी महाविद्यालयाचे शारीरिक शिक्षण संचालक डॉ. सुरेश थरकुडे यांनी केले.
