Nigdi : फ्रीज दुरुस्तीच्या कामासाठी गेला अन काळाने घाला घातला
एमपीसी न्यूज – दुचाकीवरून जाणाऱ्या तरुणाला अज्ञात वाहनाने धडक दिली. त्यात गंभीर जखमी झाल्याने तरुणाचा मृत्यू झाला. ही घटना 17 एप्रिल रोजी सायंकाळी साडेपाच वाजता घडली असून याप्रकरणी 17 जून रोजी गुन्हा दाखल करण्यात आला आहे.
Sangvi : जुनी सांगवी मधून रिक्षा चोरीला
शैलेश जोखू बिन्द (वय 28, रा. काळेवाडी) असे मृत्यू झालेल्या तरुणाचे नाव आहे. याप्रकरणी सोनू भगवान बिन्द (वय 22, रा. काळेवाडी. मूळ रा. उत्तर प्रदेश) यांनी निगडी (Nigdi) पोलीस ठाण्यात फिर्याद दिली आहे. त्यानुसार अज्ञात वाहन चालकाच्या विरोधात गुन्हा दाखल करण्यात आला आहे.
पोलिसांनी दिलेल्या माहितीनुसार, फिर्यादी आणि त्यांचा मित्र शैलेश हे दुचाकीवरून निगडी येथे फ्रीज दुरुस्तीच्या कामासाठी जात होते. ते अंकुश चौकाच्या पाठीमागे सर्विस रोडने जात असताना त्यांना अज्ञात वाहनाने धडक दिली.
त्यात फिर्यादी आणि त्यांचा मित्र गंभीर जखमी झाले. त्यात शैलेश यांचा मृत्यू झाला. उपचारानंतर फिर्यादी यांनी याप्रकरणी फिर्याद दिली आहे. निगडी (Nigdi) पोलीस तपास करीत आहेत.
