Today’s Horoscope 04 June 2023 – जाणून घ्या आजचे राशिभविष्य

एमपीसी न्यूज : आजचे पंचांग -Today’s Horoscope 04 June 2023 – जाणून घ्या आजचे राशिभविष्य

आजचे पंचांग –

वार – रविवार.

04.06.2023.

शुभाशुभ विचार – ज्येष्ठा वर्ज्य दिवस.

आज विशेष – साधारण दिवस.

राहू काळ – संध्याकाळी 04.30 ते 06.00.

दिशा शूल – पश्चिमेस असेल.

आजचे नक्षत्र- ज्येष्ठा.

 चंद्र राशी – वृश्चिक.

—————————————-

मेष – ( शुभ रंग- लाल )

आज फक्त आपल्या स्वार्थाचा विचार करा. भावनेच्या भरात कोणालाही वचने देऊन शब्दात अडकू नका. वैवाहिक जीवनात आज जोडीदाराच्या मताने घेणे हिताचे राहील. सासुरवाडी कडून एखादा धनलाभ संभवतो.

वृषभ (शुभ रंग- मोतिया)

आज वैवाहिक जीवनातील काही जुन्या आठवणी मनाला आनंद देतील. महत्त्वाच्या घरगुती प्रश्नात जोडीदाराचे मत अवश्य घ्या. हाऊस मौज करताना कायद्याचे भान ठेवा. सतर्क रहा.

मिथुन ( शुभ रंग- हिरवा )

ध्येयप्राप्तीच्या दिशेने तुमचे अथक परिश्रम चालू आहेत. परंतु तब्येतीकडे दुर्लक्ष नको. हितशत्रू सक्रिय असल्याने नोकरीच्या ठिकाणी नियमांचे उल्लंघन करू नका. नोकरांनाही त्यांच्या पायरीवरच ठेवा.

कर्क (शुभ रंग- डाळिंबी.)

आज तुमचा चैन करण्याकडे कल राहील उंची वस्त्र खरेदी कराल. शैक्षणिक क्षेत्राशी संबंधित व्यवसाय किंवा सौंदर्य प्रसाधनांचे व्यावसाय चांगले चालतील. कलावंतांना उत्तम संधी चालून येतील.

सिंह (शुभ रंग- स्ट्रॉबेरी)

आज तुमच्यासाठी गृह सौख्याचा दिवस कुठेही न जाता घरी आराम करावासा वाटेल. मुलांची अभ्यासात एकाग्रता होईल. गृहिणींना आज माहेरची ओढ लागेल.

कन्या ( शुभ रंग- पिस्ता)

बेरोजगारांना रोजगाराच्या उत्तम संधी चालून येतील. एखादा पत्ता शोधण्यासाठी आज वणवण होईल. एखाद्या रिकामटेकड्या चर्चेतून निष्पन्न काहीच होणार नाही, कृतीस प्राधान्य द्यावे.

तूळ ( शुभ रंग- आकाशी)

आज तुमचे शारीरिक व मानसिक स्वास्थ्य उत्तम असेल. गरजेपुरता पैसा सहजच उपलब्ध होईल. गृहिणी कौटुंबिक जबाबदाऱ्या आनंदाने पार पडतील आज आनंद दिवस.

वृश्चिक (शुभ रंग- चंदेरी)

कार्यक्षेत्रात नवे हितसंबंध निर्माण होतील. उपवारांना स्थळे चालून येतील. आवडते छंद जोपासण्यासाठी पैसा व वेळ खर्च करू शकाल. इतरांच्या भानगडीत यशस्वी मध्यस्ती कराल.

धनु- (शुभ रंग- भगवा)

खर्चाचे प्रमाण कितीही वाढले तरी पैसा कमी पडणार नाही कलाकारांचा परदेशी नावलौकिक होईल. आज प्रवासात असाल तर मात्र आपल्या किमती वस्तूंची काळजी घ्या.

मकर ( शुभ रंग- गुलाबी )

तुम्ही केलेल्या एखाद्या गुंतवणुकीतून चांगला लाभ पदरी पडेल. तुमचे पूर्वीचे कष्ट कारणी लागतील. कार्यक्षेत्रात यशाची चाहूल लागेल. दिवसाचा उत्तरार्ध लाभाचा. काही अपूर्वी स्वप्ने साकार होतील.

कुंभ (शुभ रंग – मरून)

नोकरीत वरिष्ठ आपल्यावर खुश आहेत अशा भ्रमात राहू नका. कार्यक्षेत्रात आपले कर्तृत्व सिद्ध करण्यासाठी अविश्रांत कष्ट करायची तयारी ठेवावी लागेल. आज प्रयत्नांती परमेश्वर.

मीन -(शुभ रंग – निळा )

उद्योगधंद्याच्या दृष्टीने आजचा दिवस काहीसा प्रतिकूल आहे. नोकरीच साहेबांचे मूड सांभाळावे लागतील. कार्यक्षेत्रात काही अकस्मिक अडचणींना तोड द्यावे लागेल. प्रामाणिक प्रयत्नांस यशाची खात्री.

शुभम भवतु.

श्री जयंत कुलकर्णी.

ज्योतिष व वास्तु सल्लागार.

संपर्क-9689165424