Today’s Horoscope 11 August 2021 : जाणून घ्या आजचे राशीफळ
एमपीसी न्यूज - आजचे पंचांग वार – बुधवार दि. 11 ऑगस्ट 2021
- शुभाशुभ विचार – उत्तम दिवस.
- आज विशेष – बृहस्पती पूजन.
- राहू काळ – दुपारी 12.00 ते 01.30.
- दिशा शूल – उत्तरेस असेल.
- आजचे नक्षत्र – 09.32 पर्यंत पूर्वा फाल्गुनी नक्षत्र, नंतर उत्तरा फाल्गुनी
- चंद्र राशी – सिंह 15.23 पर्यंत नंतर कन्या.
—————————————
आजचे राशीभविष्य-
मेष – (शुभ रंग- मोतिया)
कष्टांच्या प्रमाणात मोबदला कमीच असला तरी तुमचा कामातील उत्साह दांडगा राहील. भावनेच्या भरात मात्र कुणाला शब्द देऊ नका. व्यवसायात कामाचे तास वाढवावे लागणार आहेत.
वृषभ – ( शुभ रंग -मोरपंखी)
नकळत झालेल्या चुकीमुळे आर्थिक नुकसान सोसावे लागेल. दैनंदिन कामात काही अडथळे येतील. मुलं आज अभ्यासाचा कंटाळा करतील. शब्द जपून वापरल्यास वाद टाळू शकाल.
मिथुन -( शुभ रंग- सोनेरी)
आवक समाधानकारक असल्याने तुमची मनस्थिती उत्तम राहील. वाढत्या स्पर्धेचा सामना करण्यासाठी तुम्ही सज्ज असाल. जोडीदाराची साथ अत्यंत मोलाची राहील.
कर्क – (शुभ रंग- आकाशी)
आज मोठ्या लोकांच्या ओळखीने आपले हित साधून घेता येईल. जिवलग मित्र आज तुम्हाला योग्यच सल्ले देतील. उत्पन्नाचे विविध मार्ग खुले होतील. वेळेचे योग्य नियोजन गरजेचे आहे.
सिंह – ( शुभ रंग जांभळा)
नवीन व्यावसायिक मंडळींना यश दृष्टिक्षेपात येईल. आज कामाच्या व्यापात घरगुती प्रश्न दुर्लक्षित होतील. कुटुंबीयांची नाराजी पत्करावी लागू शकते.
कन्या – ( शुभ रंग – लाल )
कामगारांना ओव्हरटाइम करावा लागेल. आज काही देणीही चुकवाल. जमाखर्चाचा तराजू डळमळीत होईल. अनावश्यक खर्चाचे प्रमाण कमी करणे गरजेचे.
तूळ – ( शुभ रंग- पांढरा)
आनंदी व उत्साही असा आजचा दिवस असून सर्व कामे विनाव्यत्यय पार पडतील. कुटुंबियांस पुरेसा वेळ देता येईल. पूर्वी घेतलेल्या अचूक निर्णयामुळे काही लाभ पदरात पडेल.
वृश्चिक – ( शुभ रंग- पिस्ता)
नोकरदारांना आज वरिष्ठांच्या दडपणाखाली काम करावे लागेल. स्वतःच्या तब्येतीकडे दुर्लक्ष होईल. मित्रांना दिलेला शब्द पाळणे कठीण जाईल. मुलांच्या आरोग्याची काळजी घ्यावी लागेल.
धनु – (शुभ रंग- केशरी)
आज शासकीय कामे रखडणार आहेत. नवीन उपक्रमांची सुरुवात उद्यावर ढकला. नोकरीत वरिष्ठ जितके विचारतील तितकेच बोला. गृहिणींचा आज देव धर्माकडे ओढा राहील.
मकर – (शुभ रंग-तांबडा)
नवीन झालेल्या ओळखीत आर्थिक व्यवहार करू नका. कष्टाची कामे करणार्‍यांनी आपल्या सुरक्षेची काळजी घ्यावी. आज जोडीदाराच्या चुका काढायची चूक करू नका.
कुंभ – ( शुभ रंग -स्ट्रॉबेरी)
कार्यक्षेत्रात स्पर्धकांवर सहजपणे मात कराल. घरात आधुनिक सुख सुविधांसाठी हौशीने खर्च कराल. आज वैवाहिक जीवनात गोडी गुलाबी राहील. देण्याघेण्याचे व्यवहार चोख ठेवा.
मीन – (शुभ रंग- गुलाबी)
एखाद्या क्षुल्लक घटनेमुळे बेचैन व्हाल. आज रुग्णांनी पथ्य पाण्याची काळजी घ्यायला हवी. अन्यथा एखादा बरा झालेला आजार उलटण्याची शक्यता आहे. थोडी विश्रांती ही गरजेची आहे.
