Todays Horoscope 21 September 2021 : जाणून घ्या आजचे राशीफळ
आजचे पंचांग – वार मंगळवार, दि. 21 सप्टेंबर 2021
- शुभाशुभ विचार- चांगला दिवस.
- आज विशेष – प्रतिपदा श्राद्ध.
- राहू काळ – दुपारी 03.00 ते 04.30.
- दिशा शूल – उत्तरेस असेल.
- आजचे नक्षत्र – उत्तरा भाद्रपदा.
- चंद्र राशी – मीन.
————————————–
आजचे राशीभविष्य –
मेष – ( शुभ रंग -राखाडी)
आज स्वार्थाकडे लक्ष असू द्या. दानधर्म करताना स्वतःची शिल्लक आधी तपासा. मोठे आर्थिक व्यवहार टाळले तर बरे होईल. तातडीचे प्रवास संभवतात.
वृषभ – ( शुभ रंग – मरून )
आत्मविश्वासाने नवे उपक्रम राबवू शकाल. पैशाअभावी रखडलेली कामे सुरू करता येतील. लघु उद्योजकांचे कर्ज प्रस्ताव मंजूर होतील.
मिथुन – ( शुभ रंग- पिस्ता)
नोकरीत कामाचा ताण प्रचंड वाढला असला तरी तुमची वाटचाल प्रगतीच्या दिशेने चालू राहील. अधिकारी वर्गाकडून उत्तम सहकार्य राहिल.
कर्क – (शुभ रंग- गुलाबी)
कार्यक्षेत्रात सावधपणे पावले टाकावीत. हट्टीपणास लगाम घालून इतरांची मते ऐकून घ्यायची तयारी ठेवा. उपासनेत खंड पडू देऊ नका.
सिंह – (शुभ रंग -चंदेरी)
आज काही अति हुशार मंडळी संपर्कात येतील. जरा डोके शांत ठेवण्याची गरज आहे. वाहन चालवताना डोक्यात विचारांची गर्दी नको.
कन्या – ( शुभ रंग- पांढरा)
नोकरीच्या ठिकाणी हार्डवर्क पेक्षा स्मार्टवर्क करूनच साहेबांची मर्जी राखता येईल. थोडी चंगळवादी व विलासी वृत्ती राहील. वैवाहिक जीवनात आज दोघात तिसरा येऊ देऊ नका.
तुळ – (शुभ रंग – नारिंगी)
व्यवसायात ध्येय साध्य करण्यासाठी अविश्रांत कष्ट करायची तुमची तयारी असेल. तुमच्या प्रामाणिक प्रयत्नांना यश निश्चित मिळणार आहे. आज तब्येतीच्या बाबतीत निष्काळजीपणा नको.
वृश्चिक – (शुभ रंग – सोनेरी)
नोकरदार मंडळी वरिष्ठांचे मूड सांभाळतील. ज्येष्ठांना उत्तम प्रकृती स्वास्थ्य लाभेल. तुमची काही गुपिते उघड होतील. आज कामापुरतेच बोलणे हिताचे राहील.
धनु – (शुभ रंग- निळा )
आज अथक परिश्रमांच्या साह्याने प्रगतीची चक्रे गतिमान ठेवता येतील. काही योग्य माणसे आज संपर्कात येतील. यश हाकेच्या अंतरावर आल्याचे जाणवेल.
मकर – (शुभ रंग -आकाशी)
नकळत झालेल्या चुकीमुळे काही आर्थिक नुकसान होऊ शकेल. मुले आज अभ्यास सोडून सर्व काही करतील. विनाकारण शेजाऱ्यांच्या भानगडीत लक्ष घालू नका.
कुंभ – ( शुभ रंग -जांभळा)
अत्यंत आनंदी उत्साही असा आजचा दिवस असून सर्व कामे विना व्यत्यय पार पडतील. आज तुमच्यासाठी गृहसौख्याचा दिवस असून. परिवारात सामंजस्य राहील.
मीन – ( शुभ रंग- क्रीम)
आज रुग्णांनी खाण्यापिण्याची काळजी घ्यायला हवी. एखादा बरा झालेला आजार उलटण्याची शक्यता आहे. महत्त्वाकांक्षांना थोडा ब्रेक लावून विश्रांतीस प्राधान्य द्या.
!! शुभम भवतु!!
श्री जयंत कुलकर्णी
फोन- 9689165424
( ज्योतिषी व वास्तू सल्लागार)