Today’s Horoscope 27 December 2023 – जाणून घ्या आजचे राशिभविष्य
एमपीसी न्यूज : आजचे पंचांग – Today’s Horoscope 27 December 2023 – जाणून घ्या आजचे राशिभविष्य
आजचे पंचांग
आजचा दिवस – बुधवार.
तारीख – 27.12.2023.
शुभाशुभ विचार- चांगला दिवस.
आज विशेष – सामान्य दिवस.
राहू काळ – दुपारी 12.00 ते 01.30.
दिशा शूल – उत्तरेस असेल.
आज नक्षत्र – आर्द्रा 23.29 पर्यंत नंतर पुनर्वसु.
चंद्र राशी – मिथुन.
मेष – ( शुभ रंग – तांबडा )
आज कार्यक्षेत्रात विरोधकांशी गोड बोलून आपला स्वार्थ साधून घ्यावा लागेल. आज बेरोजगारांना नोकरीचे कॉल्स येतील. आज आलेली कुठलीही संधी वाया घालवू नका.
वृषभ – ( शुभ रंग- पिस्ता)
एखाद्या महत्त्वाच्या बातमीने आजच्या दिवसाची सुरुवात होईल. आज तुमची आर्थिक बाजू भक्कम असेल. आपल्या जोडीदाराचे मन जपण्याचा आज तुम्ही प्रयत्न कराल.
मिथुन – ( शुभ रंग- क्रीम)
तुमच्या कार्यक्षेत्रात तुमचा प्रगतीचा आलेख उंचावेल. नवीन आव्हाने आत्मविश्वासाने स्वीकाराल. जोडीदाराला अभिमानास्पद वाटणारी कामगिरी आज तुमच्या हातून होईल.
कर्क – ( शुभ रंग – हिरवा)
आज काटकसरी वृत्तीस थोडा लगाम घालून काही अत्यावश्यक खर्च करावेच लागणार आहेत. घरात थोरांच्या होला हो करून वाद आवरते घ्या. प्रवासात तब्येत सांभाळा.
सिंह – ( शुभ रंग – स्ट्रॉबेरी)
एखाद्या नव्या उपक्रमाची सुरुवात करण्यासाठी आजचा दिवस उत्तम आहे. नोकरदारांच्या रास्त मागण्या वरिष्ठ मान्य करतील. वास्तु वाहन खरेदीसाठी कर्ज मंजुरी होईल.
कन्या – ( शुभ रंग- पांढरा)
तुमच्या कार्यक्षेत्रातील अतिव्यस्तते मुळे आज तुम्हाला कुटुंबीयांची नाराजी पत्करावी लागेल. नोकरदारांना वरिष्ठांच्या मागेपुढे करावेच लागणार आहे. आज अतिव्यस्त दिवस.
तूळ – ( शुभ रंग- निळा)
नोकरीत साहेबांची मर्जी राखावी लागेल. प्रामाणिक प्रयत्नांना आज दैवाची उत्तम साथ लाभेल. घरात एखादे धार्मिक कार्य करण्याचे मनात येईल. ज्येष्ठांनी सत्संगातच रमावे.
वृश्चिक – ( शुभ रंग – राखाडी)
आज जे काही कराल ते तब्येतीला जपूनच करा. आपल्या कुवती बाहेर जबाबदाऱ्या स्वीकारूच नका. गोडबोल्या मंडळींपासून लांबच रहा. पत्नी सांगेल ते योग्यच असेल.
धनु – (शुभ रंग- भगवा)
उद्योगधंद्यातील वाढत्या स्पर्धेला यशस्वीपणे तोंड द्याल. अडचणीत जोडीदाराची खंबीर साथ राहील. आज तुम्ही एखादा विवाह जुळवण्यास यशस्वी मध्यस्थी कराल.
मकर- ( शुभ रंग – मोरपंखी)
नोकरदारांवर कामाचा वाढता ताण राहील. ध्येय साध्य करण्यासाठी कामाचे तास वाढवावे लागतील. आज जोडीदार जे म्हणेल त्याला हो म्हणणे हिताचे राहील.
कुंभ – (शुभ रंग- गुलाबी)
सौंदर्यप्रसाधनांचे व्यवसाय चांगले चालतील. कला क्रीडा क्षेत्रातील मंडळी उत्कृष्ट कामगिरी करतील. उच्चशिक्षित मंडळींच्या महत्त्वकांक्षा वाढतील. प्रकृती उत्तम साथ देईल.
मीन – ( शुभ रंग- जांभळा)
आज तुमच्यासाठी गृह सौख्याचा दिवस असून कौटुंबिक सदस्यात खेळीमेळीचे वातावरण असेल. अत्यंत सकारात्मकतेने दिवसाची सुरुवात कराल. आज तुम्ही गरजूंनाही मदत कराल.
श्री जयंत कुळकर्णी.
ज्योतिष व वास्तु शास्त्र सल्लागार.
फोन – 9689165424.