एमपीसी न्यूज: दिवाळी सणानिमित्त राज्यात मोठ्या प्रमाणात नवीन वाहनांची खरेदी होत असते. या पार्श्वभूमीवर नवीन वाहनांची नोंदणी करून जनतेला वाहनांचा ताबा मिळावा तसेच शासकीय महसूल जमा व्हावा या उद्देशाने राज्य शासनाच्या आदेशानुसार शनिवार २२ ऑक्टोबर आणि रविवार २३ ऑक्टोबर रोजी पिंपरी चिंचवड उपप्रादेशिक परिवहन कार्यालय सुरू ठेवण्यात येणार आहे, अशी माहिती उपप्रादेशिक परिवहन अधिकारी अतुल आदे यांनी दिली.
