Pimpri Corona Update: शहरात आज 151 नवीन रुग्णांची नोंद; 120 कोरोनामुक्तांना डिस्चार्ज
151 new patients registered in the city today; Discharge to 120 persons.
एमपीसी न्यूज – पिंपरी-चिंचवड शहराच्या विविध भागातील 151 नवीन कोरोना बाधित रुग्णांची आज (मंगळवारी) नोंद झाली. तर, उपचाराला दहा दिवस पूर्ण झालेल्या आणि कोणतीही लक्षणे नसलेल्या 120 जणांना डिस्चार्ज देण्यात आला. शहरात आजमितीला एकूण 974 सक्रिय रुग्ण आहेत.
शहरातील 3 आणि महापालिका हद्दीबाहेरील 1 अशा 4 रुग्णांचा आज मृत्यू झाला. आजपर्यंत शहरातील 4 हजार 381 जणांचा कोरोनामुळे मृत्यू झाला. शहरातील 2 लाख 67 हजार 404 जणांना आजपर्यंत कोरोनाची लागण झाली आहे. सध्या 974 सक्रिय रुग्ण शहरात आहेत. त्यातील 318 रुग्ण गृहविलगीकरणात असून 656 सक्रीय रूग्णांवर महापालिका रुग्णालयामध्ये उपचार सुरू आहेत.
तर, शहरात मेजर कंटेन्मेंट झोन 43 आणि मायक्रो कंटेन्मेंट झोन 441 आहेत. आज दिवसभरात 16 हजार 854 नागरिकांचे लसीकरण झाले आहे. आजपर्यंत 12 लाख 61 हजार 925 जणांनी लस घेतली.
