सोमवार, ऑक्टोबर 3, 2022

पुण्यात दोन वेगवेगळ्या अपघातात दोघांचा मृत्यू

एमपीसी न्यूज -पुणे शहरातील विमाननगर आणि येरवडा परिसरात झालेल्या दोन वेगवेगळ्या अपघातात दोघांचा मृत्यू झाला. या घटना काल (19 फेब्रुवारी) दुपारच्या सुमारास घडल्या. याप्रकरणी विमानतळ आणि येरवडा पोलीस ठाण्यात गुन्हा दाखल करण्यात आला आहे.


विमाननगर येथील अपघातात अजितकुमार जव्हेरी (वय-25, रा.विमाननगर) पुणे यांचा मृत्यू झाला. विमानतळ रोड ते सीसीडू चौक या दरम्यान असलेल्या रोडवर हा अपघात घडला. मयत अजितकुमार हा रस्ता ओलांडत असताना भरधाव वेगात आलेल्या काळ्या रंगाच्या चारचाकी वाहनाने त्याला धडक दिली. यामध्ये गंभीर जखमी झाल्याने त्याचा मृत्यू झाला. वाहनचालक घटनास्थळी न थांबता पळून गेला आहे. विमानतळ पोलीस ठाण्याचे पोलीस उप निरीक्षक बी. व्ही. गायकवाड अधिक तपास करीत आहेत.

तर दुस-या घटना येरवड्यातील न्याती युनिट बिल्डिंगसमोर घडली. भरधाव वेगाने आलेल्या एक अनोळखी वाहनाने पादचारी इसमाला धडक दिल्याने झालेल्या अपघातात एका 50 वर्षीय अनोळखी इसमाचा मृत्यू झाला. या प्रकरणी येरवडा पोलीस ठाण्यात गुन्हा दाखल करण्यात आला असून सहाय्यक पोलीस निरीक्षक संदीप जमदाडे अधिक तपास करीत आहेत.
spot_img
Latest news
Related news